Guruji ne banaayee hai itni nyaari srishti
Har cheez par padti hai Unki dayaalu drishti
Sabka dhyan rakhein Guruji mamta aur sadbhaav se
Ped paudhe bhi saans
lete hain Unke divya prabhaav se
Kabhi soorajmukhi ke phoolon ko dekho dhyan se
Mud jaate hain ve sooraj ki kirnon ki oar
Aao hum seekhein is paawan gyan se
Chalo Guruji se jodein apni doar
Jab baadal chchaa jaate hain akash mein
Aur sooraj bhi chhup jaata hai
Toh soorajmukhi na murjhaata hai
Na niraasha mein sir ko jhukaata hai
Har phool dooje phoolon ki taraf
Dekhne lagta hai umang ke saath
Bagiya ke soorajmukhi ek dooje ki urja se
Khiley rehne ki kar lete hain baat
Buss, isliye koi bhi soorajmukhi
Nahin hai murjhaata
Baarish bhi aa jaaye chaahe
Ek phool dooje ka saath nibhaata
Prakriti ki is pyaari leela se
Kyun na seekhein hum sabb
Ek dooje ki hum madad karein
Guruji kitne khush hongei tabb
Kyun na is maanav jeevan mein
Hum ek dooje ke liye soorajmukhi bann jaayein
Guruji baagbaan hain hamaare
Kyun na Unki phulwaari ko mehekaayein
Aao har taraf Guru gyan ke diye
Guruji ke ashirwaad se jalaayein
Soorajmukhi se hum kuch seekh kar
Is dharti par swarg banaayein
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 