Month: March 2019

March 11, 2018

Om Namaha Shivaya
Aaj ka Suvichaar🙏🏻🙏🏻

        Guruji Ne Hai Sikhaaya

“Jaa, aish kar,” bhakton se Guruji kehte hain
Kaise sab ke angg sangg sadaa Veh rehte hain
Yakeen hai kee hamaare sukh aur bhaley ke liye
Kabhi kabhi Unhonei hamein kasht bhi diye

Duniya ke maalik hain, phir bhi neeve kitne
Sangat me liye chamatkaar kiye itne
Guruji ne kahaa hai, “Na karo vehem”
Aur yeh bhi kahaa hai, “Na karo aham”

Unke bataaye maarg par chalna hamaara dharam hai
Keval Vahi jaante hain kiska kaisa karam hai
Guruji kee bhakti ne bhi yahi humko sikhaaya hai
Jisne jaisa kiya hai, vaisa hee phal paaya hai

🌹🌹🌹🌹🌹🌹🌹

Jai Guruji 🙏🏻🙏🏻

Dhirja

March 11, 2019

Om Namaha Shivaya
Aaj Ka Suvichaar 🙏🏻🙏🏻

             Phir Darna Kaisa

Bahut jaldi sehem jaate thei
Aapki sharan mein aane se pehle
Ab veh hichakichaahat aur darr nahin
Jisko jo kehna hai keh le

Zindagi mein gumraah thei
Aati nahin thi nazar manzil
Ab raasta bhi Aap aur manzil bhi Aap
Saari duniya chaahe ho jaaye sangdil

Museebat mein karte thei ‘hai hai’
Aur jaate thei himmat haar
Ab dil se kehte hain ‘Jai Guruji’
Aur Aap sunn lete hain pukaar

Bhatakte thei yoon idhar udhar
Phir bhi dil ko na milti thi raahat
Ab Aapke satsang mein aakar
Poori hoti hai raahat ki chaahat

Bekaar kee uljhanon mein thei ulajhte
Aapne sikhaaya hai karna simran
Ab Aapka dhyan jo karte hain
Toh shaant ho jaata hai mann

Kamzor samajhte thei apne aap ko hum
Ghabraate thei jab kasht aata thaa paas
Aapse jud kar himmat see aayee
Aapne badhaaya hamaara atmavishwaas

Niraasha se ghir kar hotei thei mayoos Fikr karte karte ho jaate thei pareshaan
Ab chod detey hain sab kuch Aap par
Ab Aapse hee jaan hai aur Aapse hai jahaan

Jab Guruji hum sabke raakha hai
Phir jeete jee yeh marna kaisa
Befikr hokar sabse kehte hain hum,
‘Guruji Haina,’ Phir darna kaisa?

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 10, 2018

Om Namaha Shivaya
Aaj ka Suvichaar 🙏🏻🙏🏻

           Guruji Hamaare Bhagwant

Guruji kehte hain maango nahin, keval maano
Guruji Ki Aprampaar mahima ko tum jaano
Mahasaagar sa aseem Unka pyaar
Bedaa sab bhakton ka lagaaye paar
Guruji Ki kripa hum sab par hai anant
Sach hai ki Veh sabke hain Bhagwant
Unki leela yakeenan hai bemisaal
Phir kyun hum Unsey karein sawaal??

Veh sangg hain toh kaisa ghabrana
Yeh dil toh hai ab Unhee ka deewaana
Phir chaahe kuchh bhi karle yeh zamaana
Paas hai hamaare Guru naam ka khajaana
Guru ke bande, vyarth na samay gawaana
Kar har pal tu Shukrana hee Shukrana

🌹🌹🌹🌹🌹🌹🌹

Jai Guruji 🙏🏻🙏🏻

Dhirja

March 10, 2019

Om Namaha Shivaya
Aaj Ka Suvichaar 🙏🏻🙏🏻

              Faayda Hee Faayda

Kal hamaare haath mein nahin
Kyunki veh toh kabhi aata hee nahin
Phir veh aaj bannkar saamne aata hai
Aur vahee sachchaayee bann jaata hai

Samay adbhut hai kyunki
Veh sthir nahin rehta
Kal agar aa jaaye
Toh veh kal nahin rehta

Na beeta hua kal phir laut kar aayega
Na aane vaale kal ko koi pakad paayega
Samay ka pahiya jaise jaise phirta jaayega
Aane wala kal aaj bannkar aayega

Buss, yahee pal vash mein hai hamaare
Aayiye, is pal ka karein shubh prayog
Simran karein pyaare Guruji ka
Jo sikhaatey hain hamein Shiv Yog

Bhaav hee sabse zaroori hai
Phir kaunsi aisi majboori hai
Niswaarth bhaav se kar lein Guruji kee pooja
Guruji bin maargdarshak abb koi na dooja

Sewa aur satsang ko banaayein jeevan
Guruji ko kar dein poorna samarpan
Guruji kee chaahat anusaar
Unhee se jod lein atma kee taar

Chod dein khokhli baatein duniyadaari kee
Na upjaayein peeda adhyaatmik beemari kee
Kaam krodh moh lobh jhooth ko tyaagein
Ahankaar se toh bhi bilkul duur bhaagein

Isee pal mein hai zindagi
Isee pal mein kar lein bandagi
Karenge hum Guruji kee ibadat
Guruji karenge hamaari hifaazat

Guruji jaisa kahein, vaisa karte chalein hum
Jabb takk hamaare praan se nikle na dum
Isliye kyun na todein andhvishwaas aur vehem ka fazool kaayda
Sauda nahin hai, phir bhi hamaara hai faayda hee faayda

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 9, 2018

Om Namaha Shivaya
Aaj Ka Suvichaar 🙏🏻🙏🏻

   Guruji Sadaa Sangg Hain

Ho gayi hoon jabse Guruji Ke satsang mein vyast
Rehne lagi hoon pehle se kaheen zyada swasth
Jeevan mein abhi bhi aatein hain kabhi kabhi kasht
Koshish karti hoon rahoon Guruji ki baaton mein mastt

Mere dil mein jabb se basee hai simran ki aas
Tab se dil nahin hota hai pehle jaisa niraash
Guruji ne dil ko asha ki kiran se roshan kar diya
Veh aaye sahaaraa bankar jabb jabb Unka naam liya

Isliye kyun na hum sab Unko hriday mein basaa lein
Aur phir zindagi ke safar ka mazaa lein
Safar mein kayi musaafir aayenge jaayenge
Lekin Guruji ko hum sadaa apne sangg paayenge

🌹🌹🌹🌹🌹🌹🌹

Jai Guruji 🙏🏻🙏🏻

Dhirja

March 9, 2019

Om Namaha Shivaya
Aaj Ka Suvichaar 🙏🏻🙏🏻

              Guruji Yaad Dilaayein

Yeh soonapan yeh udaasi
Yeh khaalipan ka ehsaas
Hakeekat mein hai yeh
Guruji ko paane ki aas

Atma ki manohar manzil hai
Guruji ke kamal charan
Guru Govind mein dhyan lagaana
Hai hamaara pratham dharam

Jitni bhi laukik tarakki ho jaaye
Guru milan bina veh vyarth hai
Guruji ko apni mai samarpan kar dein
Toh hee jeene ka sahee arth hai

Kaam yeh aasaan nahin
Lekin namumkin bhi nahin hai pyaare
Guruji ke gyan ke ratan anaginat hain
Jaise akash mein hain taare

Koi bhi rishta duniya mein
Guruji ke sangg rishte se bada nahin
Koi bhi paristhiti aisi nahin
Jab Guru hamaare sangg khada nahin

Guruji ki rachna se hai saara sansaar
Isliye kann kann mein MahaShiv basey hain
Phir kyun hum saansaarik reeti rivaazon ke
Maya jaal mein abb takk phasey hain?

Kyun na lagaayein Guruji mein dhyan
Unki baat maankar rakhein Unka maan
Chod dein andhvishwaas aur abhimaan
Sahi mainey mein karein Guruji ka sammaan

Mann mein jabb hoga niswaarth pyaar
Toh avashya hoga Guruji se deedar
Tabhi toh hoga beda paar
Guruji yeh yaad dilaayein baar baar

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 8, 2018

Om Namaha Shivaya
Aaj ka Suvichaar 🙏🏻🙏🏻

                Guruji Se Naata

Ab toh Guruji ka simran hee mann ko bhaaye
Har taraf ab Unka sowmya noor hai chhaaye
Mera dil ab har pal geet Unhi ke gaaye
Zubaan par Unka naam baar baar hai aaye

Shivji ke avataar ne haath thaama hai hamaara
Apni sewa ka avsar dekar diya hai hamein sahaaraa
Shukrana Guruji ka ki charnon mein jageh di hai
Unki mahima sunaaoon, jeene ki yeh vajeh di hai

Meri galatiyon ko Tum baksho mere daata
Tumhara mera bada hee nirmal hai naata
Duniya ki bheed mein mujhe khonei na dena
Mai dagmagaa jaaoon, aisa honei na dena

🌹🌹🌹🌹🌹🌹🌹

Jai Guruji 🙏🏻🙏🏻

Dhirja

March 8, 2019

Om Namaha Shivaya
Aaj Ka Suvichaar 🙏🏻🙏🏻

                   Phool Gulab Ka

Tu phool bann gulab ka
Tu khil jaa is kadar
Dekhne waale tere chehre se
Hataa na paayein nazar

Na samajh apne aap ko tu laachaar
Na ho haalaat kee vajeh se tu beemaar
Guruji har kadam par hain tere madadgaar
Ve hain maargdarshak, Ve hee parwardigaar

Chaahe teri manzil lagey tujhe koson duur
Na mitne dena chehre se tu Guruji ka noor
Unhe tere har dukh ka poora ehsaas hai
Tere har dard kee davaa Unhee ke paas hai

Labhon par tere har pal Guruji ka naam ho
Unki kripa se poora tera har kaam ho
Unhee se teri har subah aur shaam ho
Antar-mann ko sukh aur aaraam ho

Har pal tu kar Unka shukrana hee shukrana
Koi na loot sakey tujhse Guru naam ka khazana
Dil is kadar ho jaaye Guruji ka deewaana
Ki zindagi bann jaaye ek sowmya divya afsaana

Phir tu bann jaayega veh phool gulab ka
Aur tu khil jaayega is kadar
Ki dekhne waale tere chehre se
Hataa na paayenge apni nazar

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 7, 2018

Om Namaha Shivaya
Aaj ka suvichaar🙏🏻🙏🏻

Satya ki raah par chalkar hee
Guruji ko hum hain paayenge
Varna duniya ke aadambar mein
Hum yoon hee kho jaayenge

Sach kaho har veley toh sukoon hee sukoon hai
Guruji ke asli bhakt ko sachchaayi ka junoon hai
Yeh junoon hee Guruji ko pasand hai
Aur isi mein antaraatma ko anand hai

🌹🌹🌹🌹🌹🌹🌹

Jai Guruji🙏🏻🙏🏻

Dhirja

March 7, 2019

Om Namaha Shivaya
Aaj Ka Suvichaar 🙏🏻🙏🏻

                 Guruji Se Arzi

Aansuon mein kaise dhoondoon mai khushi
Udaas chehre par kaise laaoon mai hansee
Kaise jalaaoon ummeed ke diye niraasha ke andhere mein
Abb toh mujhe sooraj bhi nahin dikhta hai savere mein

Insaan ka zameer bikaaoo ho chuka hai
Mera toh sach mein haunsla thakk chuka hai
Duniya ho gayi hai kitni sangdil
Duur duur takk nazar na aaye manzil

Guruji, mai kya karoon, Aap hee bataayiye
Haalat se kaise ladoon, Aap hee sikhaayiye
Raaste mein andhera hai, Aap hee roshni dikhaayiye
Taqdeer jo bigdi hai, Aap hee usey banaayiye

Sharam si aati hai apne aap par
Ki shukrana ke badle kar rahi hoon shikayat
Atma-vishwaas ghaayal hua hai
Aap hee kijiye inaayat

Ibadat ko meri qubool keejiye
Meri bhool ko nazar andaaz keejiye
Jis-se mai Aapki mahima gaa sakoon
Kripa kar mujhe veh awaaz deejiye

Aapki bhakti mein aise ho jaaoon leen
Aapki karuna par ho jaaye aisa yakeen
Ki gumm aur mushkilein mujhe na karein niraash
Aur Aapke sahaare mai sab kar loon bardaash

Buss Aap mein hee kho jaaoon mai
Aapke charnon mein chayn paaoon mai
Phir kyun kaheen bhi aur jaaoon mai
Aapki sukhad sharan mein samaaoon mai

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 6, 2018

Om Namaha Shivaya
Aaj ka suvichaar🙏🏻🙏🏻

Zindagi ek ajab mela hai
Har shaksh yahaan akela hai

Khushiyon Ke sangg hain shaamil gumm
Mushkilein bhi hain, chaahe zyada ho ya kumm

Dil mein baste hain ab Guruji
Pukaar hamaari suntei hain Guruji

Guruji ka tum lete chalo naam
Sanvaarenge Veh saare bigde kaam

Dua kubool hogi zaroor ek din
Ab ek pal na rehna Guruji ke bin

Karle har saans mein tu Unka baseraa
Phir bahut sunehraa hoga tera har saveraa

🌹🌹🌹🌹🌹🌹🌹

Jai Guruji🙏🏻🙏🏻

Dhirja

March 6, 2019

Om Namaha Shivaya
Aaj Ka Suvichaar 🙏🏻🙏🏻

          Tu Rakh Guruji Par Vishwaas

Vo muskaan jo kaheen gaayab ho gayee
Veh lautegi bannkar ek khushi nayee
Buss tu rakh Guruji par vishwaas
Vahee sab sambhaalenge

Jo hanste hain aaj tere haalat par
Vahee khush hongei tujhse baat kar
Buss tu rakh Guruji par vishwaas
Vahee sab sambhaalenge

Jin raaston par tujhe chubhte hain shool
Vaheen par Guruji khilaayenge phool
Buss tu rakh Guruji par vishwaas
Vahee sab sambhaalenge

Jab raah mein teri koi mushkil aa jaayegi
Guruji ki dee hui himmat tujhe utsaah dilaayegi
Buss tu rakh Guruji par vishwaas
Vahee sab sambhaalenge

Jab niraasha se tujhe neend nahin aayegi
Guruji ki mamta tujhe lori sunaayegi
Buss tu rakh Guruji par vishwaas
Vahee sab sambhaalenge

Isliye tu ghabrana nahin
Guruji ko bisraana nahin
Buss tu rakh Guruji par vishwaas
Vahee sab sambhaalenge

Tu yakeen kar is baat ka
Antt hoga zaroor is raat ka
Buss tu rakh Guruji par vishwaas
Vahee sab sambhaalenge

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 5, 2018

Om Namaha Shivaya
Aaj ka Suvichaar 🙏🏻🙏🏻

Guruji hee lagaayenge beda paar hamaaraa
Ek Vahee hain hum sabke jeene ka sahaaraa
Jab Jeevan ki naiya ko milega kinaara
Kitna sundar hoga veh nazaara

Phir kyun hum bevajah bhatkein idhar udhar
Unke aanchal mein hee zindagi jaaye guzar
Har kasht ko sehnaa ho jaayega aasaan
Guruji hee toh hain hamaare Bhagwaan

🌹🌹🌹🌹🌹🌹🌹

Jai Guruji🙏🏻🙏🏻

Dhirja

March 5, 2019

Om Namaha Shivaya
Aaj Ka Suvichaar

        Aapki Beintehaa Meharbaani

Pyaare Guruji Aapne jab se
Hamein liya hai Apni sharan mein
Vaisa sukh kaheen aur milta nahin
Jaisa milta hai Aapke kamal charan mein

Pehle toh dishaaheen hokar hum
Phirte thei dar dar maare maare
Aapne dikhaaya jeene ka raasta
Aur kasht duur kiye hamaare

Neembu ke jaise hamein nichoda
Magar hamaara saath kabhi na choda
Museebaton ko jhelne ki dee hamein shakti
Aapki mahima ke aagey haar gayee har vipatti

Raaste ke kaanton ko Aapne hataakar
Hamaara chalna aasaan kiya
Hamaari har samasya ka
Waqt aane par samaadhaan kiya

Jab bhi humne himmat haari
Aapne diya protsaahan
Jab bhi dukh se niraash huey hum
Aapne diya aashvaasan

Aap toh sabb kuch jaante hain isliye
Munaasif na samjha humne kuch kehna
Samay toh lag gaya magar humne
Seekha Aapki razaa mein raazi rehna

Tabb se lekar aaj takk
Aur aane waali zindagi mein bhi
Har pal daata har kadam uthaayein
Hum keval Aapke kehne par hee

Saboori, vishwaas, aur shradha se
Aapko kar dein jeevan samarpan
Kyunki hamaara beda paar zaroor hoga
Jabb Aapko karenge sab kuch arpan

Har pal ka shukrana karte karte
Beet jaaye yeh zindagaani
Aapne humko hai apnaaya
Aapki beintehaa meharbaani

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 4, 2018

Om Namaha Shivaya
Aaj ka Suvichaar🙏🏻🙏🏻

Hamaari har mushkil, har uljhan ko
Guruji yakeenan hain sambhaalein
Phir kyun na mann mandir mein hum
Guruji ke naam ki jyot jalaa lein
Jyot ki roshni se ujjwal hoga zindagi ka raastaa
Is jyot ko bujhne na dena, hai tumhe Khuda ka vaastaa

🌹🌹🌹🌹🌹🌹🌹

Jai Guruji🙏🏻🙏🏻

Dhirja

March 4, 2019

Om Namaha Shivaya
Aaj Ka Suvichaar

      Devon Ke Dev MahaDev

Agyan ka timir mitaayein Shivji
Gyan ki subah dikhaayein Shivji
Apni leela se badal dein niyati hamaari
Devon ke Dev MahaDev trishul dhaari

Kailash parvat par karein Ve saadhna
Bhakton ki karein Ve safal aradhana
Divya Nandi ji hain Unki savaari
Devon ke Dev MahaDev trishul dhaari

Brahma aur Vishnu sangg Trimurti kehlaayein
Lingam ke roop mein bhi poojey jaayein
Kesh mein sajey chaand ki chhavi itni nyaari
Devon ke Dev MahaDev trishul dhaari

Kanth se lipta naag hai aur jataa se ganga bahey
Buraayee ka hoga vinaash, Unka teesra netra kahey
Damru thaamkar divya nritya karein Trinetradhaari
Devon ke Dev MahaDev trishul dhaari

Khatvanga aur hiran ko liya hai thaam
Bholenath hain, karein sabka nirvana
Sab bhakton ki zindagi hai sanvaari
Devon ke Dev MahaDev trishul dhaari

Kalyuga ke is ghor samay mein
Guruji bann kar aaye hain MahaShiv ka avataar
Shiv, Sai, Nanak, aur anekon roop mein
Karte hain Ve hum sabka udhdhaar

Jab se hai thaami Unhonei baahn hamaari
Zindagi lagne lagee hai bahut pyaari
Sadaa hee karte hain raksha hamaari
MahaShiv Guruji ki leela hai bahut nyaari

Guruji hain har pal hamaare saath
Ve hain hamaare Gangadhar Trilokinaath
Hum sab hain poojaneeya Guruji ke pujaari
Guruji ke roop mein aaye MahaDev trishul dhaari

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 3, 2018

Om Namaha Shivaya
Aaj ka suvichaar🙏🏻🙏🏻

Jab lega Guruji ka naam
Hamaaraa har shwaas
Aur dil ko hoga poora
Guruji par vishwaas
Toh har mushkil lagne lagegi aasaan
Na hongei hum kabhi bhi pareshaan
Guruji ko kardein hum sab kuch arpan
Roshan kar lein apne dil ka darpan

🌹🌹🌹🌹🌹🌹🌹

Jai Guruji🙏🏻🙏🏻

Dhirja

March 3, 2019

Om Namaha Shivaya
Aaj Ka Suvichaar 🙏🏻🙏🏻

         Sach kehti hoon Guruji....

Jis raah par chalti thi mai niraash hokar
Veh udaas raah bhi suhaani ho gayi
Aapki sharan mein aane se mila mujhe jo sukh
Meri shakl soorat noorani ho gayi
Sach kehti hoon Guruji
Mai Aapki deewani ho gayi

Kshamaa kiya hai Aapne Guruvar
Jabb bhi mujhse naadaani ho gayi
Haath thaamkar sambhaala mujhe
Jabb jabb mujhe pareshaani ho gayi
Sach kehti hoon Guruji
Mai Aapki deewani ho gayi

Adhyatmik raasta dikhaaya Aapne
Aur yeh yatra ruhaani ho gayi
Aapki leela itni nyaari
Ki saarthak meri zindagaani ho gayi
Sach kehti hoon Guruji
Mai Aapki deewani ho gayi

Kaam hum aise karein ki Aap yeh kahein
Safal Aapki har qurbaani ho gayi
Har dukhi aap-beeti ko hum bhool jaayein
Kyunki veh baat puraani ho gayi
Sach kehti hoon Guruji
Mai Aapki deewani ho gayi

Mujh jaisi nacheez par Aapki
Itni meharbaani ho gayi
Abb toh Aapke naam
Mere jeevan ki kahaani ho gayi
Sach kehti hoon Guruji
Mai Aapki deewani ho gayi

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 2, 2018

Om Namaha Shivaya
Aaj Ka Suvichaar 🙏🏻🙏🏻

Guruji hee thei, Guruji hee hain, aur Guruji hee rahenge sadaa
Guruji hamaare saath hain, chaahe duniya ho jaaye bewafaa
Isliye kyun na duniya ki baatein chhodkar
Hum Guruji mein hee magan ho jaayein
Unke hee paawan pyaar mein
Apne aap ko rangtey jaayein
Itna gehra hoga yeh pyaar ka rangg
Kyunki Guruji hain hamaare angg sangg

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

March 2, 2019

Om Namaha Shivaya
Aaj Ka Suvichaar 🙏🏻🙏🏻

                Aap Hee Aap Guruji

Phoolon ki meethi mehek mein
Chidiyon ki chulbuli chehek mein
Aap hee Aap Guruji, Aap hee Aap

Jal mein aur thal mein
Jeevan ke har pal mein
Hamaare kal, aaj, aur kal mein
Aap hee Aap Guruji, Aap hee Aap

Jyoti ke prakash mein
Dharti aur akash mein
Sadhna ke sakaash mein
Aap hee Aap Guruji, Aap hee Aap

Har kaam mein, har anjaam mein
Har ichchaa aur vardaan mein
Hamaare aatmasammaan mein
Bhakton ke dil-o-jaan mein
Aap hee Aap Guruji, Aap hee Aap

Mata pita ke pyaar mein
Bhakt ki pukaar mein
Jeevan ke aadhaar mein
Saare ke saare sansaar mein
Aap hee Aap Guruji, Aap hee Aap

Jeevan ke sukh dukh ka sahaara
Doobti hui naiya ka kinaara
Bhakti, prem, aur vishwaas hamaara
Sachkhand ke swarg ka sowmya nazaara
Aap hee Aap Guruji, buss Aap hee Aap

🌹🌹🌹🌹🌹🌹🌹

Jai Guruji 🙏🏻🙏🏻
Dhirja