Month: April 2019

April 10, 2018

Om Namaha Shivaya
Aaj Ka Suvichaar 🙏🏻🙏🏻 # 51

         Khuda Hamaara Mil Gaya

Bhatke huey raahi ko sahara mil gaya
Doobti hui kashti ko kinaara mil gaya
Anjaan musaafir ko Dhruv tara mil gaya
Guruji mein Khuda hamaara mil gaya

Baksh diya hamaare gunaahon ko
Roshan kar diya andheri raahon ko
Pyaar se thaam liya hamaari baahon ko
Khushi mein badal diya gumm ki aahon ko

Ab jeevan aur mrityu Unke haath mein
Har janam mein Veh hamaara saath dein
Unse hee shaam, Unse hee saveraa
Unki hee sharan mein ho apna baseraa

🌹🌹🌹🌹🌹🌹🌹

Jai Guruji
Dhirja

April 10, 2019

Om Namaha Shivaya
Aaj Ka Suvichaar 🙏🏻🙏🏻 # 416

                Karmic Bhugtaan

Guruji dein hamein jeevan daan
Durghatna aur beemaari se bachaakar
Hamaara chalna aasaan karein
Baadhaaon ko hamaare maarg se hataakar

Zindagi hain bakshtey
Swaasthya mein sudhaar laate hain
Unhee kee kripa se bhakton ke
Kayee roag theek ho jaate hain

Zindagi aur sehat ke pashchaat aatee hai laukik daulat kee baaree
Jab Guruji kee ichchaa hoti hai tabb mil jaatee hai bahut saaree
Har tarehn se jeevan ho jaata hai mangalmayee
Har tarehn se jeena ho jaata hai sukhmayee

Guru hamaare karam Apne par lekar Hamaare liye Yamraj se bhi ladega
Lekin insaan hain hum toh
Toh kuch karmon ka hisaab chukaana hee padega

Yeh karmon ka khel bhi ajeeb hai vaise
Aur alagg hai hum sabke karmon kee kahaani
Isliye chaahe hum sab Guruji ke liye hain ek jaise
Ek jaisee nahin hoti hai hamaari zindagaani

Hamaare adhiktar karam Ve hee sambhaal lete hain
Guruji kee hai itnee meharbaani
Hamaare karmon ke bhaar ko kum karne mein
Pyaare Guruji dete hain kitnee qurbaani

Moksh milne ke liye zaroori haina
Ki bilkul saaf ho hamaara karmic khata
Tabhi toh thoda sa karmic bhugtaan
Hamaari zimmedaari hai bann jaata

Hum toh is thode se bhugtaan mein bhi
Shiqva shikaayat karte nahin thakte hain
Isliye, sach mein hai Guruji ka shukrana jo phir bhi
Apni rehemdil nigaah hameshaan hum par rakhte hain

Karmon ka khata saaf hoga toh
Halka mehsoos karegi hamaari atma
Guruji bhi humse prasann honge
Aur janam-maran ke chakravyu ka hoga khaatma

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 9, 2018

Om Namaha Shivaya
Aaj Ka Suvichaar 🙏🏻🙏🏻 # 50

                Zindagi Sanvaar Le

Guruji hain hamaare pita
Guruji hain hamaari mata
Jis bhi roop mein dekho Unko
Bada nirmal hai Unse nata

Jeene kee raah dikhaate hain
Aur uspe chalna sikhaate hain
Janam maran ke janjaal se humko
Guruji hee moksh dilaate hain

Guruji mein tu rakh aastha
Vahee dikhaayenge tujhe raasta
Teri bhakti rangg aisa laayegi
Ki teri zindagi sanwar jaayegi

Jai Guruji
Dhirja

April 9, 2019

Om Namaha Shivaya
Aaj Ka Suvichaar # 415

               Meri Maiya Mere Pita

Pyaare pyaare Guruji,

Meri Maiya hain Aap
Kripa kar nakhde sehna mere
Mere pita bhi Aap
Angg sangg rehna mere

Naadaan hoon anjaan hoon
Meri galatiyon ko kshamaa kar dena
Apni karuna ke moti
Meri kismat ke khaate mein jamaa kar dena

Mujhe sahee aur galat pehchaan-ne mein ho duvidha
Toh mujhe raah dikhaana
Aur raaste par agar chalna na aaye
Toh Aap mujhe chalna sikhaana

Har pal shukrana karoon Aapka
Aisee subuddhi dena mujhe
Kabhi vichaaron mein neeche girne lagoon
Toh sambhaal lena mujhe

Haalaat kee daasi banoon
Is paristhiti se mujhe bachaana
Aapkee mamta kee pyaasi banoon
Aur atma-vishwaas mera badhaana

Mere dil meri atma mere katre katre mein
Aapke sneh ke amrit kee khushboo samaay
Mera roam roam Aapke ashirwaad se dhanya hokar
Aapkee ibaadat ke ruhaani rass mein ramm jaaye

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 8, 2018

Om Namaha Shivaya
Aaj Ka Suvichaar 🙏🏻🙏🏻 # 49

           Jis Bhi Roop Mein Dekho

Guruji ka dhyan karo
Guruji ka lo naam
Is naam mein itnee shakti hai
Ki bante hain bigde kaam

Mantra jaap karte raho
Har subah har shaam
Guruji mein hee sab Bhagwaan hain
Yasu, aur Sai, Krishna aur Ram

Brahma Vishnu Mahesh bhi Veh
MahaShiva ka avatar hain
Baba Nanak Guruji mein bastey
Yeh sabke paalanhaar hain

Ginte ginte thakk jaaoge
Unke toh roop hazaar hain
Jis bhi roop mein dekho Unko
Ve hum sabke parwardigaar hain

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 8, 2019

Om Namaha Shivaya
Aaj Ka Suvichaar 🙏🏻🙏🏻 # 414

               Ati- Paawan Prasad

Bholapan hai bachchaa sa
Andaaz sundar aur sachchaa sa
Nain Guruji ke mahasaagar se bhi gehre
Dete sabkee raksha ke liye pehre

Nazar Unkee itnee prabhaavshaali
Ki bhakton ko taar hai deti
Mamta Guruji kee itnee karunamayee
Ki kashton ka bhaar hai leti

Maathe par hai tej aisa
Ki sooraj bhi sharmaa jaaye
Mahima Unkee itnee mahaan
Ki chunauti khud hee ghabraa jaaye

Muskaan itnee sukhdaayee
Ki harshit ho jaaye mann
Vachan mein itna goodh gyan
Ki vyarth laagey baakee har dhan

Divya haathon kee mudraayein
Sabko dein ashirwaad
Leela aisee ki shoonya se prakat kar dein
Sachkhand ka pavitra prasad

Ganga se bhi paavan amrit
Unke charan ka karta vandan
Itnee oorja pradaan karta
Unka shaktishaali spandan

Har pal karta hai sammohit
Chehra Unka itna noorani
Dil itna udaar Unka
Ki sab par karta meharbaani

Kyun na Unkee divyataa mein ramm kar
Jeevan ko safal banaa lein
Guruji ke pyaar ke anmol aanchal mein
Hum nishchint hokar panaah lein

Tarr jaayenge hum sab
Unke ashirwaad se
Dhanya ho jaayenge sach mein
Is ati-paawan prasad se

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 7, 2018

Om Namaha Shivaya 🙏🏻🙏🏻
Aaj ka suvichaar # 48

              Sadaa Sach Bol

Guruji kehte hain sadaa sach bol
Sach kehna bahut saral hai
Jhooth fareb ko chhod kar dekh
Jeevan kitna taral hai

Jhooth ek ho ya hazaar
Yeh hota hai aisa hathiyaar
Vaar karta hai usi insaan par
Jo jhooth ko laaye zubaan par

Ek jhooth ko bhi chhupaane ke liye
Kitne jhooth aur kehne padte hain
Jhooth beimaani ke chakkar mein
Insaan aapas mein ladte hain

Saadagi aur sach se jee le tu
Zindagi paani ki bhaanti bahegi
Jhooth ke bhaari bojh se mukt
Tere dil mein shaanti rahegi

🌹🌹🌹🌹🌹🌹🌹

Jai Guruji
Dhirja

April 7, 2019

Om Namaha Shivaya
Aaj Ka Suvichaar 🙏🏻🙏🏻 # 413

                Guruji Ko Na Bisraana

Riyaaz karo
Abhyaas karo
Tumhe dhyan lagaana aayega
Prayaas karo
Ehsaas karo
Tumhe gyan nibhaana aayega

Intazaar karo
Ikraar karo
Guruji uddhaar karenge
Ik baar karo
Har baar karo
Ve tum mein sudhaar karenge

Gupt paath karo
Chaahe ek saath karo
Guruji jholi bharenge
Unse baat karo
Din raat karo
Ve bhi vaartalaap karenge

Gupt daan karo
Sabka maan karo
Guruji tumhaari raksha karenge
Unka gungaan karo
Swaabhimaan karo
Ve tum mein atma-vishwaas bharenge

Gupt sewa karo tum
Vyarth mein na lado tum
Guruji tumhe denge jeet
Shiv Puran padho tum
Guruji par dhyan dharo tum
Ve hee hain tumhaare sachche meet

Kar doh samarpan tum
Apnaa lo baddapann tum
Guruji mein mann ko leen karo tum
Guruji ko apna haath doh tum
Sach ka sadaa saath doh tum
Guruji hain, isliye na fikr karo tum

Karte raho shukrana tum
Unko na bisraana tum
Guruji tumhe amrit pilaayenge
Prem Unpar barsaana tum
Na karna koi bahaana tum
Dekhna, Ve tumhe Apni goad mein khilaayenge

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 6, 2018

Om Namaha Shivaya
Aaj Ka Suvichaar # 47

                   Anmol Daulat

Guruji sangg hain toh kis baat ka darr
Jahaan Ve lekar jaayenge vaheen jannat milegi tujhko
Shoharat na miley, sampatti na miley toh kya hua
Guruji kee mohabbat kee anmol daulat milegi tujhko

Tere har dukh, har sankat ko Guruji har lenge
Veeranon mein mehekte phool khila denge tere liye
Is kadar jholi teri khushiyon se bhar denge
Tujhe mauka hee nahin milega aansoo bahaane ke liye

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 6, 2019

Om Namaha Shivaya
Aaj Ka Suvichaar 🙏🏻🙏🏻 # 412

   Hamaara Uddhaar Keejiye Guruji

Is kalyuga kee ajeeb duniya mein
Hum sach mein hain thakk gaye
Aapne thaama jo haath hamaara
Toh hum girne se hain bach gaye

Aap samjhaate rahei hamein
Ki hum bande bann jaayein
Sewa simran satsang mein dhyan lagaakar
Aap mein ramm jaayein

Aapne kahaa humse ki hum Aapko
Sab kuch samarpan kar dein
Aur Aapki kripa ke vardaan se
Apni khaali jholi bhar lein

Lekin humne Aapkee baat na maanee
Agyantaa mein Aapkee mahima na jaanee
Ulajhte rahey hum karmon ke janjaal mein
Aur Aap pareshaan huey dekh kar hamein is haal mein

Hum toh thehre bilkul moorkh aur naadaan
Kewal Aap hee kar sakte hain hamaara kalyaan
Hum maantey hain ki hum hain tuchh insaan
Aap hee hain hamaare kshamaasheel Bhagwaan

Madad keejiye hamaare karmon ka khata saaf karne mein
Kripa kar vilambh na keejiye hamein maaf karne mein
Aapki karuna aur kripa ke bina toh nahin ho sakta uddhaar hamaara
Aapke ashirwaad se hee ho sakta hai sudhaar hamaara

Aap kripa barsaayenge toh hum tarr jaayenge
Varna karmon ka bhaar liye hee marr jaayenge
Kya maalum kitnee baar janam lete lete
Phir kis kis roop mein laut kar aayenge

Is adhogati se Aap hee kripa kar bachaayiye
Hamaari durdashaa par daya aur rehem farmaayiye
Ahem ke ghulaam hain, hamein neevanpan sikhaayiye
Aapko hum par garv ho, hamein aisa insaan banaayiye

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 5, 2018

Om Namaha Shivaya
Aaj Ka Suvichaar 🙏🏻🙏🏻 # 46

                Karmon Ka Hisaab

Guruji ke darbar mein
Har chehra benakaab hai
Jo bhi yahaan par aata hai
Uske karmon ka khaata hai

Yahaan jaise bhi karam kiye hain
Vahaan par sabka hisaab hai
Phir kis ahem mein jee rahei hain hum
Khuda toh ahem todne mein laajawaab hai

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 5, 2019

Om Namaha Shivaya
Aaj Ka Suvichaar 🙏🏻🙏🏻 # 411

                Guruji Ka Saath

Kalyuga ka tufaan kitna bhi tez kyun na ho
Madhur se madhur nagme se bhi zyada taral hain Guruji
Raaste ke kaante kitne bhi kashtdaayak kyun na hon
Sabse mulaayam aur manohar phool se bhi komal hain Guruji

Zamaane kee dhoop chaahe kathor aur jalaane waali ho
Shaant sarovar se kaheen adhik sheetal hain Guruji
Zindagi kee raahon ke andhere se tu na darr
Sooraj ke tej se kaheen zyada tejasvee hain Guruji

Paap aur dosh agar badhta hai is dharti par
Toh swayam Ve amrit Hain, itne nirmal hain Guruji
Chhal kapat ke is mayayee jeevan jaal mein
Har pal bilkul niswaarth aur nishchhal hain Guruji

Tu buss Unpar vishwaas kar
Tu buss Unhee kee aas kar
Unmein magn hokar buss Unhee mein kho jaa tu
Unhe saump kar apne aap ko Unhee ka ho jaa tu

Guruji kee leela hai itni nyaari
Unhe saadhega tu jis bhi roop mein
Usee divya chhavi mein Ve tere sangg rahenge
Chhaon mein aur dhoop mein

Kya tera hai jo tu saath lekar jaayega
Tera apna saaya bhi tera saath na de paayega
Apne karam aur paap ka bojh jabb uthaayega
Tabb Guruji ka saath hee tera beda paar karaayega

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 4, 2018

Om Namaha Shivaya
Aaj Ka Suvichaar 🙏🏻🙏🏻 # 45

     Guruji Mein Leen Hokar Dekh

Guruji mein leen hokar dekh toh sahi
Jeene ka andaaz badal jaayega
Jo milta hai sirf maa ki goad mein so kar
Dil ko vaisa sukoon mil jaayega

Jo baatein pehle pareshaan karti theen
Unhe ek pal mein dil bhool jaayega
Apni saari fikrein Guruji ko samarpan kar
Tu bilkul befikr ho jaayega

Aa Guruji ka Simran kar
Har mushkil ka hal tu paayega
Sewa kar niswaarth tu
Har pal reh kritaarth tu

Simran mein kho jaa
Buss tu Guruji ka hoja
Apna tann mann Unko kar de tu arpan
Unke tej se chamkaa le apne dil ka darpan

Buss banda bann ja tu
Guruji sabko kehte hain
Dekh phir kaise sadaa
Guruji tere dil mein rehte hain

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 4, 2019
Thursday

Om Namaha Shivaya
Aaj Ka Suvichaar # 410

              Jeevan Ka Afsaana

Guruji hee hamaare Bhagwaan hain
Aur Vahee hain hamaara sansaar
Unhonei diya hai jeevan daan
Vahee hain praanon ka aadhaar

Unhee se yeh subah sunehri
Unhee se sundar hai har shaam
Unhee se dukh mein bhi sukh hai
Unhee se hai chayn aur aaraam

Guruji par hee nirbhar hai
Hamaari zindagi ka har pal
Vahee nishchit karte hain
Hamaare karmon ka phal

Duniya mein aane se pehle hee
Guruji hamaare yahaan se jaane ka samay likh dete hain
Lekin niyati hamaari badalne ke adhikaar se
Kabhi kabhi kuch aur saansein saugat mein de dete hain

Jitne pal aur jitne din miley hain
Aao unhe achche se guzaarein
Sirf dukh mein nahin, balki sukh mein bhi
Guruji ko shukrana karein aur pukaarein

Adhiktar kasht aane se pehle hee
Guru kripa se jaayenge tal
Kal bhi Unhonei sambhaala thaa hamein
Vahee sambhaalenge hamein kal

Aaj bhi Unhee kee kripa se
Saansein chal rahee hain
Toh kya hua agar raaste mein
Mushkilein puraani aur nayee hain

Chalte chalein Guruji ka naam lekar
Har saans mein karte chalein shukrana
Banaa lein apne is jeevan ke safar ko
Shukrana ka anmol anandmayee afsaana

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 3, 2018

Om Namaha Shivaya
Aaj ka Suvichaar # 44

Baarahn Teerath Sthaanon Kee Yatra

Baarahn teerath sthaanon kee yaatra
Ho jaati hai Bade Mandir mein aakar
Anaginat rishiyon ne kee tapasya
Yahaan kee paavan dharti par

Chai prasad jo shraddha se peetei
Guruji unke sab sankat harte
Jo khaate Guruji ka langar prasad
Unhei milta Guruji ka aashirwaad

Itna pavitra vaataavaran
Karta heen bhaavna ka haran
Dil mein utpann hoti ek oorja nayee
Jo bhula deti hai gumm kayee

Mandir ka Shivlinga itna mahaan
Ki jaise chhoota ho aasmaan
Yeh Shivlinga Bade Mandir ka taaj hai
Kyunki Mahadev ka jagg par raj hai

Jab kalyuga mein raahi bhatak jaayega
Yeh Shivlinga hee toh raah dikhlaayega
Aur Guruji ka ashish Unke bhakton ko
Har pal milta jaayega

🌹🌹🌹🌹🌹🌹🌹

Jai Guruji 🙏🏻🙏🏻

Dhirja

April 3, 2019

Om Namaha Shivaya
Aaj Ka Suvichaar 🙏🏻🙏🏻 # 409

          Har Chunauti Ko Sweekaarein

Haath kee har lakeer
Bann jaati hai fakeer
Karti hai Guruji se arzi
Baaki Guruji kee marzi

Hamaari kismat ke taale kee chaabi
Guruji ke paas hai
Niyati badal sakte hain Guruji unkee
Jinhe Unpar poorna vishwaas hai

Jeevan ke har moad par
Chunautiyaan khadee hain
Kayee toh hain tez havaa jaisi
Lekin kuch toh pahaad se bhi badi hain

Guruji kee kripa se hee hum
Har chunauti par kharey utar sakte hain
Apne bhakton ko protsaahan detey huey
Guruji kabhi bhi nahin thakte hain

Kyun na sunein hum waqt kee lalkaar
Aur karein har chunauti ko sweekaar
Guruji hamaari madad karenge har baar
Ve hain hamaare rakshak aur paalanhaar

Zindagi ke har chhote aur bade imtehaan mein
Hum safal hongei Guruji ke ashirwaad se
Isliye himmat na haarein, aur na hon vyakul
Hum dhanya hain Guruji ke diye huey atma-bal ke prasad se

Guruji kee mahima se thamm jaayega chunautiyon ka toofaan
Isliye, hamein zaroorat nahin hai honei kee pareshaan
Guruji har pal angg sangg hain hamaare
Har bhakt hai tarr gaya jo aaya hai Unke dwaare

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 2, 2018

Om Namaha Shivaya
Aaj Ka Suvichaar 🙏🏻🙏🏻 # 43

             Aaj Nahin Toh Kal

Guruji kee pehle kar lo pooja
Baad mein hee karo kaam dooja
Guruji mein hee hain Brahma Vishnu Mahesh
Vahee mitaate hain saare kasht aur kalesh

Unhee ke sahaare hum paayenge lok parlok ke sukh
Unke pyaar ke bina hamein milenge kewal dukh
Unke naam ki jyot jab jagmagaaye
Phir nahin yeh mann dagmagaaye

Vahee jagaayenge hum mein jeene ki chaah
Aur Vahee dikhaayenge hamein moksh ki raah
Is raah par raahi, tu chalta chal
Moksh milega zaroor, aaj nahin toh kal

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 2, 2019

Om Namaha Shivaya
Aaj Ka Suvichaar 🙏🏻🙏🏻 # 408

         Dikhaawa Karna Vyarth Hai

Jabb Guruji ko Bhagwaan hai maana
Jabb Unse mahaan kisi ko na jaana
Toh aao hum prem aur vishwaas ke sangg
Apnaa lein Guruji ke sikhaaye huey dhangg

Jeene ka saleeqa rakhein saral
Aapas mein vyavhaar rakhein taral
Guruji ke dhyan mein rahein vyast
Unkee hee dhun mein rahein mastt

Saari duniya ko toh kar lenge prabhaavit
Kar ke Guruji kee bhakti ka dikhaawa
Lekin Guruji se nahin chhupega yeh raaz
Unhe nahin pasand dikhaawe ka jhootha chadhaava

Guruji chaahein bhakt ho bilkul sachchaa aur saral
Taaki rishtey kee buniyaad ho bilkul nishchhal aur nirmal
Sachchee shradha mein dikhaawe kee zaroorat nahin hai
Jo dil se niswaarth sewa karey, sachchaa bhakt vahee hai

Guruji chaahein ki hum karein
Gupt paath, gupt sewa, aur gupt daan
Jisme swaarth aur laalach na ho
Jisme hum na dhoondhein jhoothi shaan

Guruji kee har pal nazar hai hum par
Isliye dikhaawa karna vyarth hai
Guruji se sanchi preet kar lein
Vahee sachchee bhakti ka arth hai

Duniya mein naam kamaa kar kya karenge
Agar Guru naam na humne paaya
Dikhaawe par agar dhyan dharenge
Toh ek din rooth jaayega humse apna hee saaya

Jabb shudh hoga hamaara mann
Tabb Guruji hongei humse prasann
Guru naam ka karein niswaarth simran
Kyunki Guru naam hee hai aslee dhan

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 1, 2018

Om Namaha Shivaya
Aaj Ka Suvichaar 🙏🏻🙏🏻 # 42

               Paani Ka Budbuda

Beetay huey kal ko peechhe chod kar
Aane waale kal ko galey lagaaiye
Ek dooje ke sangg prem se rehkar
Milkar har kadam badhhayiye

Zindagi paani ka budbuda hai
Achche karam karte jaayiye
Har pal Guruji ko yaad kar
Muskuraakar jeetay jaayiye

🌹🌹🌹🌹🌹🌹🌹

Jai Guruji 🙏🏻🙏🏻

Dhirja

April 1, 2019

Om Namaha Shivaya
Aaj Ka Suvichaar 🙏🏻🙏🏻 # 407

                   Mamta Ka Sur

Guruji hee hain teri himmat
Guruji hee hain teri dhaal
Guruji hee hain teri taakat
Vo jaanein tere dil ka haal

Tere jeevan ke har pal mein kya hona hai
Yeh sabb nirdhaarit karte hain Guruji
Teri zarooraton kee jholi mein kya tere liye uchit hai
Unhee saugaton se teri jholi bharte hain Guruji

Har kadam par chalne kee urja
Tujhe pradan karte hain Guruji
Teri raah mein aati hain jo museebatein
Unse tere liye ladte hain Guruji

Tu apna dhyan buss Guruji mein lagaa
Aur chinta mein samay ganvaana chod de
Unhee ko kar ke sarvasamarpan
Tu raah par dagmagaana chod de

Har kshan Ve tere saath hain
Kabhi na chodenge tera haath
Isliye tujhe ek bhi pal ke liye
Ghabraane kee nahin hai koi baat

Baaki sab kuch jaa tu bhool
Ye laukik rishtey hain udtee dhool
Apne dil ke upvan mein tu khila le
Guruji ke liye shradha ke phool

Tu girne lagega toh sambhaalenge Guruji
Tu asmanjas mein hoga toh maarg dikhaayenge Guruji
Tere raaste se mushkilein hataayenge Guruji
Kalyuga ke kolaahal mein mamta ka sur
sajaayenge Guruji

🌹🌹🌹🌹🌹🌹🌹

Jai Guruji 🙏🏻🙏🏻
Dhirja