July 1, 2018
Om Namaha Shivaya
Aaj Ka Suvichaar 🙏🏻🙏🏻 # 133
Tu Muskuraataa Jaa
Guruji ko paane kee chaah mein
Sab kuch bhool jaa aye bande
Zindagi kee is kathin raah mein
Jo bhi mushkil aaye aye bande
Tu muskuraataa jaa
Tu muskuraataa jaa
Chaahe thokarein milein
Chaahe uljhanein milein
Chaahe phoolon ke bajaaye
Raah mein kaante milein
Tu muskuraataa jaa
Tu muskuraataa jaa
Jagg ke jo bhi rangg hain
Guruji tere sangg hain
Tabhi toh tera utsaah dekh kar
Duniya waale dangg hain
Tu muskuraataa jaa
Tu muskuraataa jaa
Guruji kalyaan karenge tera
Beda paar karenge tera
Anginat khushiyon se
Daaman Veh bharenge tera
Tu muskuraataa jaa
Tu muskuraataa jaa
Jab waqt aisa aayega
Ki kaal tujhe bulaayega
Guru tera bade hee pyaar se tujhe
Apni goad mein lekar jaayega
Tu muskuraataa jaa
Tu muskuraataa jaa
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
July 1, 2019
Om Namaha Shivaya
Aaj Ka Suvichaar 🙏🏻🙏🏻 # 498
Jyotirmay Jeevan Kee Jigyasa
Vandan mein ho vishwaas
Sadhna mein leen ho shwaas
Atma-shuddhi kee ho aas
Jab karein pooja ka prayaas
Asthaa se ashwaasan banaa rahey
Praarthana se protsaahan banaa rahey
Shraddha kee shakti se shaant rahey mann
Dhyan kee dhun ka paayein hum dhan
Saboori ke saundarya se sajey rahein hamaare sanskaar
Neevenpann ka nagma gungunaaye hamaara vyavhaar
Vaani mein karkashtaa aur karvaahat na ho
Dil mein ghor jhooth aur ghabraahat na ho
Aise jyotirmay jeevan kee hai jigyasa aur khoj
Guruji, kripa kar kum keejiye hamaare karmon ka bojh
Aapki ujjwal urja se hee hoga uddhaar hamaara
Aapki karuna aur kripa se hamaari kaagaz kee kashti paayegi kinara
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 