Pal Pal Ka Hai Gyan Unhe (12/18/2019)

December 18, 2019

Om Namaha Shivaya
Aaj Ka Suvichaar 🙏🏻🙏🏻 # 668

  Pal Pal Ka Hai Gyan Unhe

Pal pal ka hai gyan unhe

Sadaa hai hamaara dhyan Unhe

Jabb Guruji ne hee apnaaya hai hamein

Toh abb aur kya chaahiye hamein?

Unhee se hee milta hai pyaar
Unhee se hai yeh sansaar
Unhe hum sab kar sakte hain izhaar
Phir abb aur kiska hai intazaar?

Ve denge jo hamaare liye hoga sahi
Apne bhakton kee laachaari dekh sakte Ve nahin
Hum rotey hain toh Unkee aankhon se bhi aansoon behte hain
Kyunki hum sab har kshan Unke dil mein rehte hain

Mata pita bhi Guruji Hain, meet bhi Hain Ve hamaare
Ve sadaa aayein jabb bhi koi bhakt Unhe pukaare
Kabhi ichchaa na ho poori toh samajh lena Unke ishaare
Ve poore karenge tumhaare mangalkaari sapne saare

Jo tumhaare liye uchit nahin, Guruji tumhe dena nahin chaahte
Isliye maang maang kar na Unhe majboor karo
Balki jabb aur jaisa bhi Ve kar rahein Hain pradaan
Unka shukrana karte huey apni jholiyaan bharo

🌹🌹🌹🌹🌹🌹🌹

Jai Guruji 🙏🏻🙏🏻
Dhirja