Param Poojya Pita Hamaare (06/21/2020)

June 21, 2020

Om Namaha Shivaya
Aaj Ka Suvichaar 🙏🏻🙏🏻 # 854

    Param Poojya Pita Hamaare

Param poojya Pita hamaare,
Aap hee toh Hain, Guruji.
Jitna bhi karein phir bhi kumm hai Aapka bakhaana Guruji,
Aapka shat shat Shukrana Guruji.

Aap bann gaye hamaare naath,
Aapne thaam liya hamaara haath.
Mila hamein Aapka divya saath,
Aapka shat shat Shukrana Guruji.

Aap ko pita ke roop mein paaya,
Uss se pehle na jaane kyun waqt ganvaaya?
Aapne aakar sahi raasta dikhaaya,
Aapka shat shat Shukrana Guruji.

Unglee pakdi hamaari Naath bannkar Aapne,
Aapki suraksha ke Spandan se haath bandd ho gaye kaampne.
Aap hee dikhey mann ke mandir mein aur Aap hee aankhon ke saamne,
Aapka shat shat Shukrana Guruji.

Aap hee pita ke roop mein Hain annadaata hamaare,
Aapne hee sadaa hamaare bigde kaaj sanvaare.
Aapka har vachan maan-ne waale bhakton ke jeevan sudhaare,
Aapka shat shat Shukrana Guruji.

Aapki dekh-rekh mein hee saara jeevan bitaayein hum,
Aapke pyaar aur anushaasan se changey insaan bann paayein hum.
Aapki prerna se buraayee se duur aur achchaayee ke kareeb aayein hum,
Aapka shat shat Shukrana Guruji.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja