June 27, 2020
Om Namaha Shivaya
Aaj Ka Suvichaar 🙏🏻🙏🏻 # 860
Jab Raasta Aur Manzil Ek Hee Hain
Jab raasta aur manzil ek hee hain,
Toh phir chalna aasaan hai,
Jab Guruji hee raasta, Guruji hee manzil,
Phir har kadam par saath mein Bhagwaan Hain.
Mushkilein toh aayengi zaroor,
Mushkilon ko nibhaani hai apni zimmedaari.
Aisee hee ek mushkil hai,
Ye jo aayee hai mahamaari.
Kalyuga kee bela hai,
Maada hai yeh samay.
Kaheen beemaari, kaheen bhukamp,
Toh kaheen aur hai koi aur pralay.
Is bhanvar mein phansne se,
Koi bhi na bach paaya hai,
Tarne kee ummeed hai usey,
Jisne bin simran ke waqt na kiya zaaya hai.
Yeh jo kathin samaa,
Poore sansaar par aaya hai,
Ismein bhi Guruji ne,
Har pal saath nibhaaya hai.
Unke prati vishwaas se gehra bharosa aur kaheen nahin,
Ve jaise bhi hamein taarenge, vahee tareeka hoga sahi,
Leela dhaari MahaShiv ke haath mein hai hamaare jeevan kee doar,
Isliye ghor andhere ke pashchyaat zaroor aane wali hai bhor.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 