Mubarak Mauka (06/29/2020)

June 29, 2020

Om Namaha Shivaya
Aaj Ka Suvichaar 🙏🏻🙏🏻 # 862

               Mubarak Mauka

Mubarak mauka diya Guruji ne,
Tabhi toh tu pahuncha hai Unke dwaare,
Baad mein pachhtaane se changa hai,
Ki tu kar le simran pyaare.

Mann na bhi lagey toh koshish kar,
Aane waali baadha se na tu darr,
Ho sakey toh mann ko samjha,
Aur buss tu simran karta jaa.

Guruji ka simran hai hitkaari,
Guruji ka simran hai paropkaari,
Guruji ke simran se milti hai tripti,
Guruji ke simran se milti hai mukti.

Jaise jaise karta rahega tu simran,
Tu seekhega karna dhyan,
Aur is safar ke har kadam par,
Tujhe praapt hoga ruhaani gyan.

Boond boond se banegi gyan kee Ganga,
Isliye simran hai tere liye changaa,
Chod de sanshay, simran kar,
Guruji kee kripa se tu jaayega tarr,

🌹🌹🌹🌹🌹🌹🌹

Jai Guruji 🙏🏻🙏🏻
Dhirja