July 26, 2020
Om Namaha Shivaya
Aaj Ka Suvichaar 🙏🏻🙏🏻 # 889
Poori Duniya Rahey Aabaad
Guruji ke liye pyaar ho,
Har vichaar mein,
Vaastav mein, vyavhaar mein,
Saare ke saare sansaar mein.
Guruji ka manan ho,
Har baar naman mein,
Gurbani ke Shravan mein,
Bhagwaan ke har bhajan mein.
Guruji ke laad kee aas,
Banaaye rakhe rasna kee mithaas,
Jagaaye rakhey sewa simran ka abhyaas,
Nikhaare hamaare samarpan ka prayaas.
Guruji kee divyataa,
Sanvaar le jagg kee sundarta,
Shudh karey sabki vidvataa,
Gehri karey sabki mitrataa.
Guruji kee saraltaa,
Ujaagar karey hum sab mein taraltaa,
Laaye har insaan mein komalta,
Pradaan karey sabko nirmaltaa.
Guruji ke liye paawan bhakti,
Deti rahey har bhakt ko shakti,
Sabko de dayaalu drishti,
Karey sadbhavna kee pushti.
Guruji se bandhee doar,
Laaye sabke jeevan mein bhor,
Shaant karey kalyuga ka karkash shor,
Mitaa de yeh andhera ghanghor.
Guruji ka anant ashirwaad,
Isse har aahaar baney prasad,
Isse pavitra ho har jazbaat,
Isse poori duniya rahey aabaad.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 