Guruji Kee Hukoomat (05/08/2021)

May 8, 2021

Om Namaha Shivaya
Aaj Ka Suvichaar 🙏🏻🙏🏻 # 1175

          Guruji Kee Hukoomat

Jo bhi ho jis din kee taareekh,
Har din se lete chalein hum yeh seekh,
Ki waqt kabhi kisee ke liye rukta nahin,
Aur insaan ke aagey veh kabhi jhukta nahin.

Waqt hai kewal Khudaayee ke vash mein,
Is raaze hakeekat se hona nahin tum kisee bhi kashmakash mein,
Kyunki Guruji ne hee sambhala hai samay,
Aur Unkee guruyaayee se samay ko bhi hai bhayy.

Sampoorna divyataa kee vadiyaayee samaayee hai,
Guruji kee guruyaayee mein,
Aur Guruji sadaa aakrisht rehte Hain,
Bhakton kee bhalaayee mein.

Isliye jo bhi tithi ho ya ho jo bhi din,
Kisee bhi pal ko ganvaaye bin,
Mann mein Guruji ka simran chalta rahe,
Aur mann mein Unke naam ka deep jalta rahe.

Taareekh badal jaayegi aur har din beet jaayega,
Guruji ke samaksh waqt kabhi na jeet paayega,
Waqt har pal rahega Guruji kee khidamat mein,
Isliye jo bhi khushi ya gumm waqt dega hamein hamaari kismat mein,
Waqt ko har baar leni hogi Guruji se izaazat,
Kyunki uspar hameshaan rahegi Guruji kee hukoomat.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja