June 12, 2021
Om Namaha Shivaya
Aaj Ka Suvichaar 🙏🏻🙏🏻 # 1210
Aisee Kripa Karein Mere Naath
Jab se pyaare Guruji,
Dil mein aakar Hain rahe,
Tabb se mere dil ka deewanapann,
Mujhse har roz kahe.
Ki arzoo hai Guruji sadaa rahein yahaan viraajmaan,
Aur buss dete rahein Apne nirmal naam ka daan,
Dil chaahe ki veh banaa rahe yoon hee deewana,
Aur mera jeevan bann jaaye is deewane pan ka afsaana.
Arzoo hai dil kee ki Guruji ka har pal hota rahe ehsaas,
Koi aur beshaq na ho, buss Guruji sadaa hon aaspaas,
Chadhaa rahe mujh par sadaa Unkee bhakti ka rangg,
Ullaasit rakhe mujhe Unke satsang kee umangg.
Yeh rishta hai apne pan ka,
Yeh rishta hai deewaanepann ka,
Kuch bhi nahin hai is rishte se zyaada zaroori,
Bahut hee anmol hai is rishte kee dori.
Guruji ka divya pyaar aur mujhe Unse jodti hui yeh seedhi taar,
Jo Unn takk meri khaamoshi kee bhi awaaz pahunchaati hai har baar,
Unka mere mann mandir mein yoon buss jaana,
Mera Unke deedar kee soch se hee bhaavuk ho jaana,
Arzoo hai ki bhaav gehra hota chale waqt ke saath saath,
Unke sangg rishta aur bhi pakka ho, aisee kripa karein mere naath.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 