Jeevan Poora Hai (07/29/2021)

July 29, 2021

Om Namaha Shivaya
Aaj Ka Suvichaar 🙏🏻🙏🏻 # 1257

                Jeevan Poora Hai

Pyaare Guruji,

Aapke prem se miltee hai shwaas ko sheetalta,
Aapke dhyan se miltee hai antar-mann ko nirmaltaa,
Aapki mamta se aati hai dil mein komaltaa,
Aapke satsang sunn-ne se mehsoos hoti hai taraltaa.

Aapke maargadarshan se raasta ho jaata hai ujjwal,
Aapki kripa se hatt jaata hai raah ka daldal,
Aapke protsaahan se aagey badhna mumkin hota hai,
Aapki dee hui himmat se har kasht lagta chhota hai.

Aapke darshan se ho jaata hai uddhaar,
Aapke ashirwaad se jeevan mein aata hai sudhaar,
Aapke swaroop se baat ho paati hai,
Aapki chhavi divyata ka ehsaas dilaati hai.

Aapka har vachan zindagi jeena sikhaata hai,
Aapka har hukm anushaasan laata hai,
Aapki ruhaani khushboo mehekaati hai spandan ko,
Aapki leela chaar chaand lagaati hai vandan ko.

Aapko samarpan karne se har chinta ho jaati hai duur,
Aapko shukrana karne se har sanshay ho jaata hai chuur,
Aapke simran bin toh har saans adhoora
hai,
Aapke sangg honei se hee jeevan poora hai.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja