Saari Sangat Itnee Khushkismat Hai (08/31/2021)

August 31, 2021

Om Namaha Shivaya
Aaj Ka Suvichaar 🙏🏻🙏🏻 # 1290

    Saari Sangat Itnee Khushkismat Hai

Ghaat ghaat ka piya paani,
Phir bhi pyaas na bujhne paayi,
Amrit kee ek boond se hee mitt gayi pyaas,
Jabb sangat Guruji ke dar par aayi.

Ruhaaniyat ka rutba aisa hai Guruji ke darbar mein,
Ki ek hee pal mein swayam ko paaya Guruji se pyaar mein,
Baat hee kuch aisee hai MahaShiv Parwardigaar mein,
Ki ek anokha chayyn milta hai Unpar aitbaar mein.

Mamta kee varsha itnee matvaali,
Uske sangg paawan ashirwaad kee hariyaali,
Suraksha aisee ki har chinta ho jaati hai duur,
Shakti itnee ki har bhayy ho jaata hai chuur.

Leela aisee ki namumkin hai isey samajh paana,
Kripa Guruji kee aisee ki har uljhan ne hai sulajh jaana,
Saundarya aisa ki nihaarte huey dil na bhar paaye,
Prataap aisa ki har vikaar haar maan jaaye.

Karuna itnee ki har zakhm ko miley marham,
Anukampa aisee ki mitt jaaye har gumm,
Protsaahan aisa ki badh jaaye atma-vishwaas,
Divyata aisee ki tarr jaaye har shwaas.

Jitnee taareef kee jaaye Parampoojya Guruji kee,
Kiya nahin jaa sakta Unkee mahima ka bakhaan,
Saari sangat itnee khushkismat hai,
Ki Guruji ke roop mein miley Hain MahaShiv Bhagwaan.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja