October 31, 2021
Om Namaha Shivaya
Aaj Ka Suvichaar 🙏🏻🙏🏻# 1351
Mai Toh Aapke Kaabil Hee Nahin
Pyaare Guruji,
Mai toh aapke kaabil hee nahin
Phir bhi Aapne mujhe sweekaara
Mai toh bhatak rahi hoti kaheen
Aapne diya mujhe sahaara.
Itne aib mujh naacheez mein hain
Lekin unse kaheen zyada hai Aapki mehar
Chaahe mere aagey aur peechhe andhera ho
Aap mere mann mandir mein Hain isliye mere jeevan mein hai sehar.
Aapse hee mera ghar parivaar hai
Aapse hee mera sansaar hai
Aapka itna anokha sa, itna pyaara sa pyaar hai
Jis din Aapke baare mein suna, veh din ek khushnuma yaadgaar hai.
Aap agochar hote huey bhi har pal saath Hain
Aap bin jataaye dete in lamhon kee daat Hain
Ye lamhe, jo Aap chaahein ki hum aish karte huey beetaayein
Ye lamhe, jinmein Aap chaahein ki hum bande bann jaayein.
Jabb se mai Aapki hoon ho lee
Kewal Aapke saamne phaylaati hoon jholi
Aapki kripa se mai hoon is baat se bilkul sehmat
Ki meri har chaahat se badi hai Aapki rehmat
Isliye na hai mere mann mein koi maang, na hee koi mannat
Kyunki Aapke kamal charnon mein hai meri jannat.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 