November 26, 2021
Om Namaha Shivaya
Aaj Ka Suvichaar 🙏🏻🙏🏻 # 1377
Dhanya Huey Hum
Meharbaan Guruji Maharaj
Sartaajon ke sartaj
Rakhte Hain Aap bhakton kee laaj
Karte Hain sabke dil par raaj.
Daata deendayal
Rakhte Hain Aap har bhakt ka khayaal
Dete Hain itne saare kashton ko taal
Har paristhiti mein lete Hain sangat ko sambhaal.
Taral taaranhaar
Aapki leela hai aparampaar
Aapne hee taara hai yeh sansaar
Aagey bhi bachaayega isey Aapka hee upkaar.
Parampoojya Parwardigaar
Jabb se hua hai Aapse pyaar
Aur bhi paraaya lagta hai yeh sansaar
Aapke deedar kee tamanna hoti hai baar baar.
MahaShiv Mahesh
Saumya saral Sarvesh
Yeh jagg toh laagey pardesh
Uss paar hee lagey abb swadesh.
Bholenath Bhagwan
Aap mein ramm gaya hai mann
Aapka naam hai sabse anmol dhan
Is dhan se sukhi hua hai jeevan.
Dev Dugri wale
Aapke ashirwaad Hain nyaare
Aap hee laagein sabse pyaare
Dhanya huey hum aakar Aapke dwaare.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 