Buss, Subah Honei Hee Wali Hai (11/28/2021)

November 28, 2021

Om Namaha Shivaya
Aaj Ka Suvichaar 🙏🏻🙏🏻 # 1379

    Buss, Subah Honei Hee Wali Hai

Ghut ghut kar na mar
Thoda aur dheeraj tu dhar
Chaahe raat andheri aur kaali hai
Buss, subah honei hee wali hai

Niraasha mein aansoon na baha
Kehne de jisne bhi hai kuch kaha
Tu Guruji ke dar par sawaali hai
Buss, subah honei hee wali hai.

Maana ki jeena nahin hai aasaan
Lekin tujhe miley Hain Guruji ke roop mein Bhagwaan
Aur Guruji kee leela niraali hai
Buss, subah honei hee wali hai.

Anand le tu kaam ka aur aaraam ka
Nasha kar le Guruji ke naam ka
Zamaana dekhega ki chaal teri matvaali hai
Buss, subah honei hee wali hai.

Guruji se tu seedhi taar jod le
Adharma aur kukarma se tu muh mod le
Tu jaanega tere bheetar khush-haali hai
Buss, subah honei hee wali hai.

Paraaya hai ye saara jahaan
Sab kuch reh jaayega yahaan
Yahaan bhi aur vahaan bhi Guruji ne karni teri rakhwali hai
Buss, subah honei hee wali hai.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja