Anupam Anantam Antaryaami (02/26/2022)

February 26, 2022

Om Namaha Shivaya
Aaj Ka Suvichaar 🙏🏻🙏🏻 # 1469

          Anupam Anantam Antaryaami

Guruji tere saath Hain
Guruji mere saath Hain
Ve hum sabke saath Hain
Ve hum sabke nath Hain.

Guruji divya ehsaas Hain
Unke vachan bahut khaas hain
Unke ashish se hee hamaare shwaas hain
Ve tere aur mere mann ka vishwaas Hain.

Guruji Hain jeene ka aadhaar
Guruji kee rehmatein hain beshumaar
Guruji Hain prem ke punj
Guruji Hain karuna ka kunj.

Guruji Hain MahaShiv kee moorat
Guruji kee har leela hai khoobsoorat
Guruji kee khushboo hai ruhaani
Guruji kee mehar se hai har meharbaani.

Guruji Hain mamta ka mahasaagar
Guruji se har hunar ho ujaagar
Guruji Hain har vehem se duur
Guruji ahankar karein chuur.

Guruji Hain sarvgyata
Guruji Hain akhandata
Guruji Hain daya ke daata
Guruji Hain vishwa ke vidhaata.

Guruji Hain chitt kee chetna
Guruji Hain paawan prerna
Guruji Hain samay ke swami
Guruji Hain anupam anantam antaryaami.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja