Guruji Se Hai Fariyaad (10/27/2022)

October 27, 2022

Om Namaha Shivaya
Aaj Ka Suvichaar 🙏🏻🙏🏻 # 1712

            Guruji Se Hai Fariyaad

Guruji se hai fariyaad
Ki na bhoolne dein Apni yaad
Apni maujoodagi se rakhein mere mann ko aabaad
Sada barsaayein Apna ashirwaad.

Pakka rahe bhakti ka iraada
Na tootey prem bhaav ka vaada
Jeevan rahe saral aur saada
Chaahe kumm ho ya ho zyaada.

Karti rahoon…..
Guruji ka chintan
Guruji ka vandan
Guruji ka poojan
Guruji ka simran.

Sada miley….
Guruji ka haath
Guruji ka saath
Guruji ka pyaar
Guruji ka deedar
Guruji ka dulaar
Guruji ka dwaar.

Guruji ke hee charan
Guruji kee hee sharan
Unke charan mein hee jeevan
Unke charan mein hee maran.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja