Abb Ghabraana Chod De (10/31/2022)

October 31, 2022

Om Namaha Shivaya
Aaj Ka Suvichaar 🙏🏻🙏🏻 # 1716

            Abb Ghabraana Chod De

Guru bin na gati
Guru bin na gyan
Guru bin na sumati
Guru ka kar le dhyan.

Guru bin nahin prakash
Dhoond le chaahe dharti akash
Guru bin na savera na dera
Har oar laavaaris sa andhera.

Guru bin duvidha aur uljhan
Guru bin bechayyn ho mann
Guru bin na miley asal dhan
Guru bin sada nirdhan.

Guru bin na miley manzil
Bhatke mann anjaan
Guru bin tarna namumkin
Phir kaise ho kalyaan?

Guruji ne liya hai tujhe sharan mein
Chamak gayi hai teri kismat
Ve hee kar rahe Hain tera kalyaan
Ve hee de rahe Hain sumat.

Unhee se hai raasta
Unhee se milegi tujhe manzil
Tera uddhaar nishchit hai
Abb ghabraana chod de, aye dil.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja