December 1, 2022
Om Namaha Shivaya
Aaj Ka Suvichaar 🙏🏻🙏🏻 # 1747
Meetha Sanskaar
Pyaar hai itna meetha sanskaar
Pyaar se khil jaata hai ghar parivaar
Niswaarth ho jabb pyaar ka aadhaar
Tabb prasann hotey Hain Nirankaar.
Ye sab jaante huey bhi ahankaar
Pyaar ke raaste mein bann jaata hai deewar
Pyaar minnatein karta hai hazaar
Lekin ahankar namanzoor karta hai baar baar.
Pyaar neevan hokar jhuk kar karta hai izhaar
Ahankar phir bhi karta hai inkaar
Pyaar na kee hui galati ka bhi kar le ikraar
Toh bhi ahankar nahin sunta uskee pukaar.
Ahankar ka saath deta hai tark vichaar
Ahankar ka saath dete hain anya vikaar
Unhe hota nahin tanik maatra bhi pyaar ka satkaar
Pyaar bhi koshish karte karte ho jaata hai laachaar.
Kyun na laachaar ke bajaaye pyaar ko maanein shringaar
Is shringaar se sajaayein sampoorna sansaar
Sab baraabar hon, bina jeet bina haar
Sabhi safar mein aapas mein baantein pyaar.
Guruji ko khush karein hum apne pyaar bhare vyavhaar se
Guruji ko rijhaayein apne pyaar bhare vichaar se
Guruji hum sabko ashirwaad dete Hain itne pyaar se
Kyun na hum hon Unke shukraguzaar reh kar ek dooje ke sangg pyaar se.
Pyaar, jo ho komal
Pyaar, jo ho nirmal
Pyaar, jo ho taral
Pyaar, jo ho saral.
Swaarth bina ho pyaar
Shikaayat bina ho pyaar
Pyaar mein ho neevenpann kee jhankar
Bin shart ke pyaar se jodein Guruji se seedhi taar.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Meetha Sanskaar (12/01/2022)
Aaj Ka Suvichaar 