Pyaar Mila, Beshumaar Mila (06/17/2023)

June 17, 2023

Om Namaha Shivaya
Aaj Ka Suvichaar 🙏🏻🙏🏻

#1945

      Pyaar Mila, Beshumaar Mila

Pyaar mila, beshumaar mila
Guruji, Aapki sharan mein
Sankat talaa, sada hua bhalaa
Aapke kamal charan mein.

Savera mila, basera mila
Guruji, Aapke deedar mein
Kshama milee, amaa talee
Aapke komal pyaar mein.

Himmat milee, taakat milee
Guruji, Aapne Apna haath jo rakha mere sir par
Panaah milee, aur raah milee
Aapne jo bulaaya Apne divya dar par.

Sewa milee satsang mila
Guruji, Aapki meharbaani se
Simran ka nirmal anand mila
Aapki bakhshi Gurbani se.

Bheekh milee aur bhog mila
Guruji, Aapke shaasan se
Seekh milee aur yog mila
Aapke maargdarshan se.

Aap Hain jyoti ka stambh, Guruji
Aap Hain asha ke aadhaar
Yoon hee taras karte rahiyega, maalik
Yoon hee bakhshte rahiyega, poojya Parwardigaar.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

Pyaar Mila, Beshumaar Mila (06/17/2023)