Mere Pyaare Pyaare Guru Pa (06/18/2023)

June 18, 2023

Om Namaha Shivaya
Aaj Ka Suvichaar 🙏🏻🙏🏻

#1946

       Mere Pyaare Pyaare Guru Pa

Aapke peechhe chalne kee dhun mein
Sundar sapne lagi hoon bunn-ne
Ye bhi hai Aapki kripa
Mere pyaare pyaare Guru pa.

Aapke har kadam ke nishan par
Jhukaati chaloon mai apna sir
Jahaan Aapke kadam, vaheen meri raah
Mere pyaare pyaare Guru pa.

Aapke charnon kee dhool
Hai mere liye sabse komal phool
Usey maathe par paaoon lagaa
Mere pyaare pyaare Guru pa.

Giree hui hoon vikaaron ke kooen mein
Phansi hui hoon maya ke dhooen mein
Apni meher se deejiye mujhe inse oopar utha
Mere pyaare pyaare Guru pa.

Aapke charnon ka amrit
Karta hai mera hitt
Paan kar paaoon iska sada
Mere pyaare pyaare Guru pa.

Aapke sangg rishta hai sabse achcha
Hoon mai Aapke aanchal mein pal raha bachcha
Aap hee pita, Aap hee meri maa
Mere pyaare pyaare Guru pa.

Chal na paaoongi Aapke bina
Mumkin na hoga phir jeena
Kabhi chodna na Aap meri baah
Mere pyaare pyaare Guru pa.

Aapki prerna ke punj mein tarte rahein mere vichaar
Aapki bakhshish kee baarish mein bheegta rahe mera ghar sansaar
Khushnaseeb hoon Aapke pyaar ko paa
Mere pyaare pyaare Guru pa.

Aapki rehmat kee hoon mohtaaj
Aapke ashish se hota hai mera har kaaj
Naman Aapko shukrana bharaa
Mere pyaare pyaare Guru pa.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

Mere Pyaare Pyaare Guru Pa (06/18/2023)