Na Itefaaq Hai Ye (03/31/2024)

March 31, 2024

Om Namaha Shivaya
Aaj Ka Suvichaar 🙏🏻🙏🏻

#2233

    Na Itefaaq Hai Ye

Na itefaaq hai ye
Na hee koi khwaab hai ye
Guru charan mein hai tu
Guru sharan mein hai tu
Tera naseeb hai ye
Tu khushnaseeb hai re.

Jidhar hai teri nazar
Unhe toh hai ye khabar
Tu bekhabar hee sahi
Vo anjaan nahin.

Tera wajood hai jo
Usey tu Unmein de kho
Jo bhi ho jaaye vo ho
Tere Guruji Hain Vo.

Teri gustaakhiyan bhi
Guruji maaf karein
Teri har mushkil bhi
Guruji Aap harein.

Tera janam jo hai ye
Guru bhakti ko tu de
Tere karam jo hain ye
Unpar dhyan tu de.

Guruji ka shukar tu kar
Sabr karne se na darr
Guruji de rahein hai var
Ki sukhi ho tera safar.

Guruji nath Hain tere
Ve sada saath Hain tere
Yakeen kar ke tu jee
Ve tujhse duur nahin.

Tera vishwaas Hain Ve
Tera prayaas Hain Ve
Tere ehsaas mein Ve
Tere har shwaas mein Ve.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

Na Itefaaq Hai Ye (03/31/2024)