May 1, 2024
Om Namaha Shivaya
Aaj Ka Suvichaar 🙏🏻🙏🏻
#2264
Karte Guruji Kee Mahima Ka Bakhaan
Karte karte Guruji kee mahima ka bakhaan
Guruji ke kamal charnon mein jhuk gaya aasmaan
Itne prasann huey Guruvar karunanidhaan
Ki Unhonei aasmaan ko de diya neevenpann ka daan.
Karte huey Guruji par poora yakeen
Unke kadmon taley dabti gayi zameen
Guruji ne usey diya ashirwaad itna haseen
Ki ‘dharti maa’ banee zameen vahee.
Pahunch kar Guruji ke dwaare
Unka gungaan karne lagey jabb taare
Toh Guruji ne yoon Unke naseeb sanvaare
Ki gagan mein timtimaane lagey ve saare.
Guruji kee mahima bahut lee gaa
Phir bhi jabb tript na hua chandramaa
Toh uskee koshish se itne khush Huey Gurupaa
Ki Unhonei usey raat ke gagan ka raja diya banaa.
Pahunch kar Guruji ke dar par
Jabb Unke noor ko vinamr naman karne lagaa dinkar
Toh itne harshit Huey Guruvar
Ki Unhonei diya usey ujjwal honei ka var.
Jabb Guruji ke paas aayi bhakt kee zindagi
Toh usey apne gunaahon par hui bahut sharmindagi
Guruji ko itna santusht kar gayi uske dwaara kee hui bandagi
Ki Guruji ne uspar barsaa dee bakhshindagi.
Jabb Guruji ke bulaave par aata hai insaan
Aur maan leta hai vo Guruji ko Bhagwaan
Toh Guruji beshak lete Hain kayi imtehaan
Kintu karte Hain usey Apna naam japne ka
mauka pradaan.
Jo karte Hain sabhi ka kalyaan
Aise Guruvar ko koti koti pranaam
Itna noorani aur nirmal hai Unka naam
Ki japti hui rooh jeete jee paa leti hai mukti ka vardaan.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Karte Guruji Kee Mahima Ka Bakhaan (05/01/2024)
Aaj Ka Suvichaar 