Chintan Kar Ke (11/19/2024)

November 19, 2024

Om Namaha Shivaya
Aaj Ka Suvichaar 🙏🏻🙏🏻

#2466

                     Chintan Kar Ke

Chintan kar ke Guruji ka
Chinta kar le duur
Chhaate chhaate chhaa jaayega
Teri rooh par Unkee chhavi ka noor.

Sotey jaagte Guruji ka chintan
Uthte baithte mann mein vandan
Hanste rotey Guruji se kar baat
Ek Ve hee sada hotey Hain saath.

Kuch bhi toh nahin hai
Guruji sangg tere rishte se zyada anmol
Is rishte ko kisee bhi bhautik taraazu se
Tu kabhi nahin sakta toal.

Ye rishta aur iskee ahamiyat hai sansaar ke paar
Gagan se kaheen adhik hai iska vistaar
Ye rishta hai har mahasaagar se kaheen zyada gehra
Is rishte kee akhandata par hai Guruji Maharaj ka pehra.

Ve dekh rahe Hain teri har adaa
Unhe dikh rahi hai teri wafa
Na karna hera-pheri
Matt kar abb aur deri
Tere vash mein ho jaayega tera mann chanchal
Tu chaav se Guruji ka chintan karta chal.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

Chintan Kar Ke (11/19/2024)