November 25, 2024
Om Namaha Shivaya
Aaj Ka Suvichaar 🙏🏻🙏🏻
#2472
Ruhaani Bandhan
Na behen, na bhai
Na pita, na mai
Na hee koi aur aaye
Tumhaare aur Guruji ke darmiyaan
Guruji se seedha naata joad, aye insaan.
Tumhaare aur Guruji ke beech ka hai ye adhyaatmik bandhan
Ismein jitnee nijee tavajjo hogi tumhaari
Utna kumm pareshaan karegi tumhe duniyadaari
Kyunki Guruji sangg gehri hoti chalegi ruhaani yaari.
Is ruhaani bandhan mein pirote raho tum bhaav pavitra pyaar ka
Ye bandhan uphaar hai tumhaari rooh kee uss intazaar ka
Jiske dwaara tumhe milegi vo oonchaayee aur gehraayee
Jiskee arzoo ko liye tumhaari rooh daihik vastra pehen kar hai aayi.
Is ruhaani bandhan mein
Duniya mein rehte huey bhi duniyadaari se azaadi hai
Ye ruhaani bandhan Guruji ke prati jhuka aur jazbaati hai
Is ruhaani bandhan ko Guruji kee anokhi khushboo mehekaati hai
Is ruhaani bandhan kee noorani nirmalta bhakt par nirantar amrit barsaati hai.
Ye amrit laayega tumhaare jeevan aur mann mein shuddhi
Guruji kee kripa se is is shuddhi se badhegi subuddhi
Is bandhan mein bandh kar rehne mein hai tumhaara sampoorna kalyaan
Kyunki tumhe ismein baandhne waale swayam hee Hain Bhagwaan.
🌹🌹🌹🌹🌹🌹🌹
Jai Guruji 🙏🏻🙏🏻🌹🌹
Dhirja
Ruhaani Bandhan (11/25/2024)
Aaj Ka Suvichaar 