Tu Kaahe Ko Hai Ghabraata (11/26/2024)

November 26, 2024

Om Namaha Shivaya
Aaj Ka Suvichaar 🙏🏻🙏🏻

#2473

         Tu Kaahe Ko Hai Ghabraata

Tu kaahe ko hai ghabraata
Khula hua hai tere karmon ka khaata
Guruji ka uss par nireekshan hai jaari
Aayi hai tere kalyaan kee bhi baari.

Guruji ka ganit saadhaaran starr se hai bahut oopar
Aur abb jo tu banaa hai Unkee kripa se Unke dar ka kookar
Toh Unke aur tere beech hai jo niswaarth pyaar
Usko tu apni oar se rakhta chal barkaraar.

Guruji toh Hain tere nath aur maalik aur swami
Ve Hain niswaarth pyaar dene wale antaryami
Jo mil raha hai tujhe, usmein hai Unkee nadar
Unka shukrana kar, Unkee kar kadar.

Unka yogya shishya bann paane kee koshish tu karta chal
Ve teri neeyat aur unnati parakhte Hain har pal
Anekon khade Hain Guruji ke dar par bulaaye jaane ke intazaar mein
Tu unmein se hai jinhe Unhonei sweekaara hai Apne darbar mein.

Bahut nibhaa lee duniyaadaari se yaari
Isey banaa na lena tu apne liye beemaari
Abb jo milee hai Guruji ke saanidhya mein rehne kee baari
Toh is khushkismati kee tujhe mubarak hai bahut saari.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

Tu Kaahe Ko Hai Ghabraata (11/26/2024)