Neeti Sayaani (01/15/2025)

January 15, 2025

Om Namaha Shivaya
Aaj Ka Suvichaar 🙏🏻🙏🏻

#2523

                   Neeti Sayaani

Karoge Guruji kee jitnee ‘ji huzoori’
Utnee mit-tee jaayegi Unse duuri
Ye duuri mitaani hai bahut zaroori
Aur iske liye chaahiye shraddha aur saboori.

Beshak ‘ji huzoori’ nahin hai aasaan
Dene padte hain kayi imtehaan
Lekin khatm hota hai abhimaan
Aur shant hota hai bheetar ka tufaan.

Jabb takk shant na ho bheetar ka tufaan
Toh mushkil hai bharna udaan
Ruhaaniyat ke aasmaan mein
Chhote se bhi tufaan mein.

Isliye Guruji ko Paramatama jaante huey
Bin sanshay Unke hukm ko maante huey
Unhee ko chete sada ye chitt
Toh kalyaan hoga, ye hai nishchit.

Pukaar rahi hai tumhe zindagaani
Na dol abb tu, praani
Abb takk kar lee beshak naadaani
Abb ‘ji huzoori’ kee neeti hee hai sayaani.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

Neeti Sayaani (01/15/2025)