January 18, 2025
Om Namaha Shivaya
Aaj Ka Suvichaar 🙏🏻🙏🏻
#2526
Guruji Ke Gungaan Mein
Guruji ke gungaan mein
Kho jaayein hum tum
Guruji ke khayaalon mein
Ho jaayein hum gum
Toh dekho, jeevan kaise sanvar jaayega
Guruji ke charnon mein ye jeevan guzar jaayega.
Unke diye ashishon se jholi bharte rahein
Unke har ashish ka shukrana karte rahein
Bakhshishon kee boondon kee baarish aati rahegi
Guruji kee agya se ye Unkee meher barsaati rahegi.
Jaldi ho ya der se
Raahat milegi andher se
Guruji ka prakash har oar chhaayega
Bheetar bhi ye hee toh roshni laayega.
Guruji kee dee hui roshni raah dikhaayegi
Dekhte hee dekhte subah aayegi
Sooryoday ke aane se khatm hoga har sanshay
Guruji kee kripa se mitt jaayega har bhayy.
Har taraf hoga Guruji ka gungaan
Goonj uthenge zameen aur aasmaan
Sunkar nayi chetna ka noorani paigaam
Jaag jaayega bheetar se soya har insaan.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Guruji Ke Gungaan Mein (01/18/2025)
Aaj Ka Suvichaar 