Guruji Ke Hukm Mein Rehna (01/27/2025)

January 27, 2025

Om Namaha Shivaya
Aaj Ka Suvichaar 🙏🏻🙏🏻

#2535

          Guruji Ke Hukm Mein Rehna

Guruji ke hukm mein rehna
Beshak aasaan nahin hota
Ho sakta hai ismein laaparwahi chal bhi jaati
Agar Guru hee swayam Bhagwaan na hota.

Pooran Guru Hain Guruji Maharaj Shiv avatari
Hain Ve Bholenath bhandari leeladhari
Unke hukm ka paalan anivaarya hai har pal
Kalyaan nishchit hai uska jo Unke hukm par jaaye chal.

Hamaare saamarthya se baahar hai Guruji ke raaz ko samajh paana
Seekhna hai Unke hukm mein jeete jaana
Ismein koi sanshay nahin ki Ve Hain roop Rabb ka
Yahee anubhav hota aa raha hai sangat mein sabb ka.

Balki ye bhi yaad rakh paate hain hum Unkee hee meharbaani se
Varna Unke Rabb honei ka mahaatmay bhool jaate apni hee naadaani se
Buss phir, Rabb roopi Guru ke hukm se oopar kuch bhi nahin
Unke hukm ke paalan se jo bhi hoga jeevan mein, vo hoga sahi.

Guruji hee Hain hukm dene wale
Ve hee dete rahein hukm paalan kee shakti
Vishwaas aur nishtha se paripoorna rahe bhakti
Guruji ke hukm ke paalan mein basti hai param hitt kee yukti.

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

Guruji Ke Hukm Mein Rehna (01/27/2025)