Mera Pehla Aur Aakhiri Vishwaas (03/11/2025)

March 11, 2025

Om Namaha Shivaya
Aaj Ka Suvichaar 🙏🏻🙏🏻

#2578

    Mera Pehla Aur Aakhiri Vishwaas

Param poojya Guruvar mere,

Aap Hain mera pehla aur aakhiri vishwaas
Aap dikhein ya nahin par jaanti hoon ki Aap Hain aas paas
Chalta hai mera har shwaas dekhkar mere bheetar Aapka vaas
Shukr hai Aapka ki Aapke sangg rishta hai itna khoobsoorat aur khaas.

Aapne Apni sharan mein mujhe sweekaara
Mujhe mil gaya Aap mein sabse shreshth sahaara
Jabb se Aapke charnon mein jeevan hai guzaara
Jaan gayi ki awashya milega meri naav ko kinaara.

Aapki drishti hai athak
Aapki mahima athaah aur akath
Aapke charnon mein hai meri manzil
Abb toh Aapke paas baithey rehne ka karta hai dil
Hansna, rona, paapon ka dhona
Sab hota rahe Aapki hee sharan mein
Mera Aapki yaad mein rehkar Aap mein khona
Ye hota rahe Aapke kamal charan mein.

Sunte Hain Aap sab kuch
Jaante Hain Aap sab kuch
Kuch kahiye ya na kahiye
Mujhe sambhaalte rahiye
Hamesha kee tareh
Har pal, har jageh.

🌹🌹🌹🌹🌹🌹🌹

Jai Guruji 🙏🙏
Dhirja

Mera Pehla Aur Aakhiri Vishwaas (03/11/2025)