Month: July 2025

July 31, 2025

Om Namaha Shivaya
Aaj Ka Suvichaar 🙏🏻🙏🏻

#2720

             Aap Hain Taral Taruvar

Aap Hain taral taruvar, mere Guruji Maharaj
Apne se jodey rakhna mujhe sada
Mai toh agyani naadaan hoon
Mujhe na aaye iskee ada.

Mujh par aisee kripa karna mere Bhagwan
Ki mai patjhad ka patta na jaaoon bann
Jo taruvar se alag hokar dharaa par gir jaata hai
Aur phir kabhi bhi taruvar se jud nahin paata hai.

Meri ragon mein Aapke prati shraddha bhaav bahe
Mera mann aur mukh sada Aapko shukrana kahe
Mujhe bakhshte rahiye aisee shuddhi
Mujhe bakhshte rahiye aisee subuddhi
Ki baahar jo aur jaisa bhi ho mausam
Meri rooh mein chale bhakti kee aisee sargam
Ki hariyali se matvaali mai rahoon
Har mausam, har tufaan ko sahoon
Aapse juda na ho jaaoon jhad kar
Balki hari bhari rahoon tarr kar.

Aap hee Hain mere taaranhaar
Aap hee Hain mere praanon ka aadhaar
Jeena mumkin nahin Aapke sahaare bin
Chaahoon bhi toh Aapki rehmatein nahin mai sakti gin.

Mere taruvar mahaan
Rahiyega sada meharbaan
Jagaaye rakhiye meri chetna
Dete rahiye mujhe prerna
Aapka sahaara lete huey Aapki daal par rahoon
Har aane jaane wale raahi se Aapki mahima din raat kahoon.

🌹🌹🌹🌹🌹🌹🌹

Jai Guruji 🙏🙏
Dhirja

Aap Hain Taral Taruvar (07/31/2025)

July 30, 2025

Om Namaha Shivaya
Aaj Ka Suvichaar 🙏🏻🙏🏻

#2719

                   Jinka Har Hukum

Jinka har hukum
Jinka har vachan
Le chale Unkee hee oar
Aur Shivmayi ho vo doar
Unn Guruji Maharaj ko namaskaar
Unka shukrana baarambaar.

Jinkee raza mein razi rehkar
Jinke prem ke bhaav mein behkar
Milta hai jeevan ko kinaara
Kyunki Ve swayam bante Hain sahaara
Unn Guruji Maharaj ko namaskaar
Unka shukrana baarambaar.

Jinkee leela koi na jaan paaye
Jinkee divyata har bhakt maan jaaye
Aaj nahin toh kal
Jo naseeb sakte Hain badal
Unn Guruji Maharaj ko namaskaar
Unka shukrana baarambaar.

Jinkee daya kee aseem hai gehraayee
Jinkee kripa kee anant hai vadiyaayee
Jo Swayambhu SadaShiv Hain swayam
Jinkee sharan mein sanvar jaata hai jeevan
Unn Guruji Maharaj ko namaskaar
Unka shukrana baarambaar.

Jo bhakt ke sanshay karte Hain duur
Jo bhakt ka ahankar karte Hain chuur
Jinkee mahima har tark vitark ke paar hai
Jinkee meher ka mohtaaj saara sansaar hai
Unn Guruji Maharaj ko namaskaar
Unka shukrana baarambaar.

🌹🌹🌹🌹🌹🌹🌹

Jai Guruji 🙏🙏
Dhirja

Jinka Har Hukum (07/30/2025)

July 29, 2025

Om Namaha Shivaya
Aaj Ka Suvichaar 🙏🏻🙏🏻

#2718

    Raaston Se Poochha Deewane Ne

Raaston se poochha deewane ne
Ki manzil kitnee duur hai
Raaston ne kaha ki vahaan hai manzil
Jahaan Guruji ka noor hai.

Deewane ne raaston ko bataaya
Ki uske antas mein hai Guruji ka noor
Raaste hanse aur kehne lagey uss se
Ki phir manzil nahin hai kaheen duur.

Deewane ne Guruji se kee ardaas
Aur dhyan mein baitha Guruji ke paas
Toh Guruji usey le gaye uske bheetar
Jahaan divya noor thaa idhar udhar
Har taraf, har kann mein
Roshni karte huey uske antakaran mein
Uskee rooh ko prakashit karte huey
Uske bheetar aisee prakampan bharte huey
Ki har kona achhaadit hua Guruji ke prasad se
Aur deewana bheegta gaya Guruji ke ashirwaad se.

Ashirwaad ka amrit thaa sheetal
Deewane ko ehsaas hua itna nirmal
Ki usey mehsoos hua ki uska ye androoni safar
Safal ho raha hai pal pal.

Guruji ka thaa uspar pehra
Uska dhyan hota gaya gehra
Guruji ke jyotirmay roop ka hua usey darshan
Adbhut aur anmol thaa uske jeevan ka vo kshan.

Atmabodhswaroop darshan Guruji Maharaj ka
Banaa yathaarth uss deewane ke aaj ka
Buss, phir toh usne liya jaan aur maan
Ki Guruji kar rahe Hain uska kalyaan
Aur zaroorat nahin phir bhi de rahe Hain pramaan
Aise Hain Ve karunanidhaan.

Deewana shukrana mein yoon dooba
Ki usey aur kuch na soojha
Maan liya usne ki manzil nahin hoti duur
Jahaan hota hai Guruji ka saakshaat noor.

🌹🌹🌹🌹🌹🌹🌹

Jai Guruji 🙏🙏
Dhirja

Raaston Se Poochha Deewane Ne (07/29/2025)

July 28, 2025

Om Namaha Shivaya
Aaj Ka Suvichaar 🙏🏻🙏🏻

#2717

Raat, Sundar, Suhaani

Raat, sundar, suhaani
Chandni ruhaani
Pareshaan praani
Chalta raha.

Na mukh par muskaan
Na dil mein armaan
Na jhoothi na sachchi shaan
Buss, praani pareshaan.

Koi chaahat nahin
Koi raahat nahin
Apnon kee aahat nahin
Praani chalta raha.

Bheetar duvidhaaon ka tufaan
Dekhkar ajab jahaan
Tann mann zehen zubaan
Reh gaye bilkul hairaan.

Praani thaa gyani
Gyan uska thaa ruhaani
Usne Guruji kee leela pehchaani
Aur kumm honei lagi uskee pareshaani.

Guruji pahuncha rahe Hain vairagya ke mukaam par
Jahaan se aur bhi aagey badhega uska safar
Praani ko apne bheetar se hee milee ye khabar
Hua uspar chetna ka aisa asar
Ki pareshaani honei lagi duur
Har duvidha honei lagi chuur chuur
Sab hai karmon ka dastoor
Aur Guruji kalyaan kar rahe Hain zaroor
Gaya vo samajh
Uske vichaar gaye sulajh
Suhaani raat kee chandni ruhaani mein
Aagey badha karmon kee kahaani mein
Koi kamee nahin thi Guruji kee meharbaani mein
Ve uske angg sangg rahe uskee zindagaani mein.

Jaisi bhi ho bhakt kee kahaani
Guruji karte Hain har bhakt par meharbaani
Ye hai bhakt ke kalyaan kee sabse badi nishaani
Ye sachchaayee aaj nahin toh kal sabne hai jaani.

🌹🌹🌹🌹🌹🌹🌹

Jai Guruji 🙏🙏
Dhirja

Raat, Sundar, Suhaani (07/28/2025)

July 27, 2025

Om Namaha Shivaya
Aaj Ka Suvichaar 🙏🏻🙏🏻

#2716

        Madhu, Aapki Meharbaani Ka

Mere sundar sartaj
Mere Guruji Maharaj
Soumya SadaShiv sarvagyani
Anant akhand antaryami
Koi nahin Aapsa daani
Daya ka daan maange ye nimaani.

Aap sarvasaamarthyavaan
Aap sarvashaktimaan
Aapse chale ye saara jahaan
Aap maya ke swami, Aap meharbaan.

Aapse jude rehne kee hai aas
Aapse jude rehne ka hai prayaas
Jabse hua hai ye ruhaani ehsaas
Ki kitnee anmol hai divya madhu kee mithaas.

Divya madhu, Aapki meharbaani ka
Hai aisa sahaara meri zindagaani ka
Jiske bin mumkin nahin meri zindagi
Jis par nirbhar hai meri kee bandagi.

Kyunki Aapki meher bin
Aapka simran bhi nahin mumkin
Aur Aapki yaad bin na jee paaoon ek bhi din
Beshak apna loon mai anya tareeke bhinn bhinn.

Aapse hee mera har shwaas hai
Aap par hee vishwaas hai
Aapke hukum se hee jeevan mein loon har kadam
Toh yakeenan sahi disha aur dasha kee oar chalega mera jeevan.

Aapki meharbaani ka madhu milta rahe
Uss se mere bheetar ka phool khilta rahe
Toh jaanti hoon ki tarr kar sanvar jaayegi meri ye atma
Aapki meharbaani se hee chalti hai meri zindagaani, mere Paramatama.

🌹🌹🌹🌹🌹🌹🌹

Jai Guruji 🙏🙏
Dhirja

Madhu, Aapki Meharbaani Ka (07/27/2025)

July 26, 2025

Om Namaha Shivaya
Aaj Ka Suvichaar 🙏🏻🙏🏻

#2715

 Oonchaayee Kee Oar

Oonchaayee kee oar chadhna mushkil
Par oonchaayee se neeche aana kitna aasaan
Chadhte chadhte gir na jaayo kaheen
Rehna har pal saavdhaan.

Darne se kuch nahin milega aye insaan
Chinta na karo, angg sangg Hain Bhagwaan
Guruji ke param sundar roop mein
Jeevan kee chhaon dhoop mein.

Guruji ka hai sahaara
Prayaas hoga tumhaara
Toh oonchaayee ka nazaara
Dikhega saara ka saara.

Shraddha aur saboori
Guruji kee prashansa bhuri bhuri
Mitaani Guruji se har duuri
Ye hain bilkul zaroori.

Guruji ke haath mein saump kar apni naiya kee patvaar
Badhte chalo oonchaayee kee oar karte huey koshish baar baar
Girne par kaheen maan na lena tum haar
Jodey rehna tum Guruji sangg seedhi ruhaani taar.

Ye hai tumhaara Unke sangg seedha naata
Na koi bichauliya na hee beech mein koi baadha
Na koi dikhaawa na karmakand na chadhaava
Bhole bhaav se seenchit ho ye rishta seedha saada.

Girte uthte chalte chalte
Oonchaayee kee oar badhte badhte
Guruji kee meher ka awashya hota chalega asar
Aur Ve pahunchaayenge tumhe shikhar par.

🌹🌹🌹🌹🌹🌹🌹

Jai Guruji 🙏🙏
Dhirja

Oonchaayee Kee Oar (07/26/2025)

July 25, 2025

Om Namaha Shivaya
Aaj Ka Suvichaar 🙏🏻🙏🏻

#2714

                    Mera Ye Janam

Param poojya Guruji Maharaj,

Aapke naad se mera bheetar hai aabaad
Kintu mujhe abhi uskee nahin pehchaan
Phir bhi shukr hai Aapka, mere maalik
Ki mai is sundar satya se nahin hoon anjaan.

Aapki kripa kee behti dhaara
Hai mere liye atoot sahaara
Jo amrit ke roop mein mere bheetar ke vish ko dhota rahe
Aapki kripa se Aapki aseemata mein mera katra katra khota rahe.

Aapki shunyata kee sampoornata ke saagar mein basee shanti
Aapki karuna kee komalta ke kunj mein basee kanti
Jabb jabb Aap dilaate Hain inka khoobsoorat ehsaas
Toh ek aise anand se garbhit ho jaata hai mera shwaas
Jiska mai varnan kar na paati hoon
Kintu jis se mai aur bhi aakarshit hoti jaati hoon
Aapki aur Aapki mahaanata kee oar
Aur meri ruhaani aankhein dekh paati hain vo doar
Jis se Aapne mujhe joda hai Apne se
Jo kaheen adhik sundar hai kisee bhi sundar sapne se
Kyunki vo doar hai uss anmol rishte kee gavaah
Jismein Aapne dee hai mujhe Apni paawan panaah.

Jhuka hai sir mera, uspar hai Aapka haath
Shukraguzaar hoon ki mila hai Aapka saath
Aapne itnee daya kee hai mujh gareeb par
Vinamr sa naaz hota hai mujhe mere naseeb par
Ki Aapki meher se milee hai Aapki sharan
Varna vyarth chala jaata mera ye janam.

🌹🌹🌹🌹🌹🌹🌹

Jai Guruji 🙏🙏
Dhirja

Mera Ye Janam (07/25/2025)

July 24, 2025

Om Namaha Shivaya
Aaj Ka Suvichaar 🙏🏻🙏🏻

#2713

               Duniya Kee Ye Mehfil

Duniya kee ye mehfil
Ye na teri hai na hai meri
Kuch bhi na paayega tu antt mein
Kar ke hera pheri.

Maalik Hain param poojya Guruji Maharaj
Saari sangat ke Shiv Sartaj
Unkee sharan mein hee karmon ke khaate khulenge
Unkee sharan mein hee paap dhulenge
Kyunki Unke charnodak se zyada pavitra koi jal nahin
Ve kalyaan na kar rahe hon, aisa koi pal nahin.

Is satya ko bhi rakhna hoga yaad
Ki Guruji hamaari swatantra ichcha mein na karein hastakshep kabhi
Is yaad se rakhein matt ko aabaad
Toh ho sakta hai ki khud jeeyein aur doojon ko bhi jeene dein sabhi.

Agar aisa ho jaaye sabka jeevan
Toh kalyuga swayam hee satyuga jaayega bann
Guruji hum sabse hongei kitne prasann
Jabb hum sabb Unke bande jaayenge bann.

🌹🌹🌹🌹🌹🌹🌹

Jai Guruji 🙏🙏
Dhirja

Duniya Kee Ye Mehfil (07/24/2025)

July 23, 2025

Om Namaha Shivaya
Aaj Ka Suvichaar 🙏🏻🙏🏻

#2712

         Aapke Kadmon Ke Nishaan

Mere param poojya Guruji Maharaj,
Mere dayavaan sartaj,

Aapke kadmon ke nishaan
Le jaayein jahaan
Meri manzil hai vaheen
Aur kaheen nahin.

Rahoon sada Aapke kadmon ke taley
Mera kann kann dhool bann kar paley
Neeche Aapke kadmon ke
Paap dhulein mere kayi janmon ke.

Aapke kadam, Aapke vachan
Karti rahoon Inka naman
Sada jhuka rahe mera antakaran
Aapki sewa mein beete jeevan.

Mai Aapko sada khush kar sakoon
Aapko rijhaate huey kabhi na thakoon
Meri saansein bheegeein hain Aapki rehmat mein
Samarpit rahein ve sada Aapki khidamat mein.

Aap mil jaayein toh bhaagya khil jaayein
Aur koi tamanna baaki na rahe
Apne se kabhi juda na keejiyega
Mere dil kee har dhadkan Aapse ye kahe.

🌹🌹🌹🌹🌹🌹🌹

Jai Guruji 🙏🙏
Dhirja

Aapke Kadmon Ke Nishaan (07/23/2025)

July 22, 2025

Om Namaha Shivaya
Aaj Ka Suvichaar 🙏🏻🙏🏻

#2711

Aapka Dwaar Aur Aapki Dagar

Param poojya Guruji Maharaj,

Pichhle janmon ke karmon ka bhaar
Bilkul bhi na sambhaal paaoon mai khud
Shukr hai Aapka, mere Prabhu
Ki Aapse gayi mai jud.

Ye deh bann jaayegi raakh kee dheri
Par Aapka ansh hai ye rooh meri
Is rooh ko Aapne liya hai chhoo
Iss rooh kee hai ye arzoo
Ki Aapko khush rakh paaoon
Aapke charnon mein tann mann se sees jhukaaoon
Aapko nihaarti rahoon
Aapko pukaarti rahoon
Aapki sunti rahoon
Kewal apni na sunaati rahoon.

Aapke deewanepann mein yoon rahoon mastt
Ki sataaye na mujhe koi chhal kapat
Sumat bakhshiye ki na karoon gaflat
Vivek deejiye taaki jaanoon kya hai sahi kya galat
Sahi aur satya ko apnaane kee deejiye buddhi
Bakshte rahiye antakaran kee shuddhi
Aapki kripa bin mumkin nahin ye sabb
Aapke charnon mein hee rehna chaahoon mai abb.

Sada bulaate rahiyega Aap mujhe Apne dar par
Kabhi na keejiyega mujhe Apne se duur, mere Guruvar
Bahut saari zindagi beet gayi karte huey agar magar
Shukr hai ki mil gaye Aapka dwaar aur Aapki dagar.

🌹🌹🌹🌹🌹🌹🌹

Jai Guruji 🙏🙏
Dhirja

Aapka Dwaar Aur Aapki Dagar (07/22/2025)