Samay Ka Safar (08/01/2025)

August 1, 2025

Om Namaha Shivaya
Aaj Ka Suvichaar 🙏🏻🙏🏻

#2721

                    Samay Ka Safar

Samay thaa ik aise moad kee talaash mein
Chaahe vo miley dharti par ya akash mein
Jahaan se uske pallu ko khushiyan yoon lein thaam
Ki gum ho jaaye gumm ka naam-o-nishaan.

Samay ne poochha bhaagya se
Bhaagya ne kaha apne Araadhya se
Jo Guruji Maharaj ke roop mein thei virajmaan
Ki samay kiske paas jaaye aur jaaye kahaan.

Guruji Maharaj ne bhaagya se kaha
Ki samay vyarth mein idhar udhar poochhta raha
Unhonei samay ko bulaaya Apne paas
Aur samay ko dilaaya ehsaas
Ki koi nahin Unse zyada saamarthyavaan
Aur Ve swayam karenge naye moad ka nirmaan.

Samay ko kabb se thi saantavana kee chaahat
Guruji kee baat se usey milee raahat
Guruji par chod kar moad ka nirmaan
Samay baitha karne Guruji ka dhyan.

Guruji kee kripa ka hona hee thaa kalyaanmayi asar
Naye moad dikhne lagey samay ko, usne dekha jidhar
Khushiyan dikhne lagi har moad par
Ve samay ka pallu thaame jhukaane lagin apna sir.

Samay ke kasht hotey gaye kumm
Duur honei lagey sabhi gumm
Guruji kee meher se samay badhaata gaya kadam
Aur har naye moad se sakaaratmak banta gaya uska jeevan.

Guruji ke kamal charan mein kar ke sarvsamarpan
Samay guzaarta gaya pal pal aur ghadi ghadi
Guruji kee inaayat har kadam par samay ke saath thi khadi
Samay ke safar kee raahein Guru kripa se huin hari bhari.

🌹🌹🌹🌹🌹🌹🌹

Jai Guruji 🙏🙏
Dhirja

Samay Ka Safar (08/01/2025)