August 3,2025
Om Namaha Shivaya
Aaj Ka Suvichaar 🙏🏻🙏🏻
#2723
Aapne Hee Mujhe Thaama Thaa Kal
Param poojya Guruji Maharaj,
Aapne hee mujhe thaama thaa kal
Aaj bhi Aapne sambhaala hua hai
Aap thaame rahenge mujhe kal
Ye bharosa mujhe nihal karta hai pal pal.
Jaisa bhi ho bhaagya ka mukh
Jeevan mein aaye sukh ya dukh
Shukr hai ki mujhe mila hai Aapka sahaara
Varna na chal paata mera guzaara.
Mere liye sukh mein bhi Aap, dukh mein bhi Aap
Yahee bhaav rahe banaa
Jitne bhi janam lene padein
Mera kann kann rahe Aapse juda.
Duniya ka toh badalta rehta hai kaayda
Duniya ko khush karne ka nahin koi faayda
Is prayaas se na thakoon
Ki Aapko mai khush kar sakoon.
Dete rahiyega aisee prerna
Ki badhe mujh mein chetna aur samvedana
Jeevan ka vann hai bada mayavi aur ghana
Meri raksha keejiye dekar sada Apni paawan panaah.
🌹🌹🌹🌹🌹🌹🌹
Jai Guruji 🙏🙏
Dhirja
Aapne Hee Mujhe Thaama Thaa Kal (08/03/2025)
Aaj Ka Suvichaar 