Asal Anand (08/04/2025)

August 4,2025

Om Namaha Shivaya
Aaj Ka Suvichaar 🙏🏻🙏🏻

#2724

          Asal Anand

Khushiyan, duniyadaari
Ameeri, gareebi, swaasthya, beemari
Chinta, bhayy
Shok, sanshay
Bhog, vikaar
Maya vatika ka ye sansaar
Isey karna hoga paar
Rehte huey yaheen
Bheetar se pahunch kar vaheen
Jahaan anand hai asal
Jahaan saans lena hai safal
Guruji kee yaad par rehkar nirbhar
Unke simran par aashrit rehkar
Unke naam kee jyot antas mein jalaa kar
Tayy karte jaana hai ye safar.

Guruji ke aasare hee thaa sab kuch pehle bhi
Guruji ke bharose hee hai sab kuch aaj bhi
Aane wale kal kee bhi hai ye khushkismati
Ki Guruji ke ashish se hee hogi gati.

Safar tayy karte karte pakka ho gaya hai yakeen
Ki bhala nahin hai rehkar maya ke adheen
Kintu prapanch se azad karaa sakte Hain kewal Guruji Maharaj
Dekar vo chetna jis se hum sanvaar lein apne kaaj.

Kaaj jo hum sanvaar lenge aaj
Toh usee pal se sudharne lagega aane wala kal
Guruji se judey rehkar
Bhole bhaav mein behkar
Pahunch jaayenge hum vahaan
Asal anand hai jahaan.

🌹🌹🌹🌹🌹🌹🌹

Jai Guruji 🙏🙏
Dhirja

Asal Anand (08/04/2025)