Judaav… (11/23/2025)

November 23, 2025

Om Namaha Shivaya
Aaj Ka Suvichaar 🙏🏻🙏🏻

#2835

                         Judaav…

Param poojya Guruji Maharaj,

Ruhaani pyaar kee baatein Aapse
Divya deedar kee baatein Aapse
Aapse hee hoti rahe guftagoo
Aap mein hee rami rahe meri rooh.

Aapke sangg hee baantoon dil ka haal
Aaye jo mann mein toh Aapse hee poochhoon sawaal
Ya phir ruhaani taar se hee sawaal jawaab ka silsila chalta rahe
Aapke saanidhya mein har din ka sooraj uday ho aur dhalta rahe.

Bheetar hota rahe har pal Aapki maujoodagi ka aisa ehsaas
Ki baahari duniya ke liye kabhi na hoon udaas
Duniya mein rahoon par judoon Aapse kewal
Isee judaav par mai ekaagr rahoon har pal.

Is judaav se hee hai abb mera jeevan
Is judaav mein hee ramta rahe mera mann
Is judaav kee oar badhta rahe mera aakarashan
Is judaav se sanvar jaaye mere janam ka har kshan.

🌹🌹🌹🌹🌹🌹🌹

Jai Guruji 🙏🙏
Dhirja

Judaav… (11/23/2025)