March 28, 2026
Om Namaha Shivaya
Aaj Ka Suvichaar 🙏🏻🙏🏻
#2960
Sahi Disha Aur Manzil
Bheetar kee oorja toh bahegi
Ye toh hai uska niyam
Zaroori hai oorja ka sadupyog
Veh vyarth na jaane paaye
Anaavashyak vichaar aur vyavhaar se swayam ko bachaana
Oorja ahankar mein parivartit na honei paaye.
Guruji se ardaas karein
Ki Ve hamaari oorja ko sahi disha bakhshein
Sewa, simran, satsang kee oar
Ruhaani insaaniyat ke rangg kee oar
Aur har uss disha mein jahaan Ve le jaana chaahein
Thaam kar hamaari baahein
Jis tareh se ho Unkee ichcha
Kyunki Unka nirnay sada hai achcha.
Guruji hee sanchaalak bann kar rahein is oorja ke
Guruji hee araadhya bann kar rahein pooja ke
Ve SadaShiv ka swaroop Hain swayam
Koi aur nahin Unse oopar
Aur Ve hee pradaata Hain is oorja ke
Jo hai hum sangat ke bheetar.
Guruji hee Hain praanon ke aadhaar
Bheetar kee oorja hai Unka hee ashirwaad
Judey rahenge oorja aur praan jo Guruji Maharaj se
Toh sahi disha aur manzil ka ashish milega Guru sartaj se.
🌹🌹🌹🌹🌹🌹🌹
Jai Guruji 🙏🙏
Dhirja
Sahi Disha Aur Manzil (03/28/2026)
Aaj Ka Suvichaar 