Guruji Hee Ehsaas Mein (03/29/2026)

March 29, 2026

Om Namaha Shivaya
Aaj Ka Suvichaar 🙏🏻🙏🏻

#2961

Guruji Hee Ehsaas Mein

Guruji hee ehsaas mein
Guruji hee har shwaas mein
Guruji hee vishwaas mein
Guruji hee awaaz mein
Guruji har geet har saaz mein
Guruji hriday ke niwaas mein.

Guruji hee Guruji
Baahar aur bheetar
Guruji hee Guruji
Idhar aur udhar.

Guruji hee Guruji
Chaahe netra khuley hon ya hon bandd
Guruji hee Guruji
Chaahe chehre par hon aansoo ya phir muskaan mandd.

Har kaam Guruji ko arpit
Har imtehaan Unhe samarpit
Har pal Guruji ko chete chitt
Guruji sadaiv karein bhakt ka hitt.

Guruji hee Guruji
Bheed mein aur ekant mein
Guruji hee Guruji
Shor mein aur shant mein.

Guruji se hee shuru safar
Guruji par hee ho khatam
Aisa ho jiska jeevan
Uska toh safal ho jaaye janam maran.

🌹🌹🌹🌹🌹🌹🌹

Jai Guruji 🙏🙏
Dhirja

Guruji Hee Ehsaas Mein (03/29/2026)