Adheen (03/30/2026)

March 30, 2026

Om Namaha Shivaya
Aaj Ka Suvichaar 🙏🏻🙏🏻

#2962

              Adheen

Guruji Maharaj Hain Apne bhakton ke adheen
Kintu kya hum ho gaye hain itne Shivleen
Ki tann mann se Unke ho gaye Hain hum
Kya hum kar paaye hain Unhe sarvsamarpan?

Kisee aur ko nahin, khud ko hee dena hoga is sawaal ka jawaab
Guruji toh jaante hee Hain, hum sab hain Unke liye khuli kitaab
Pita Paramatama kaise na jaanenge Apne bachchon ke bheetar kee baat
Hum beshak Unkee chhoti si kiran hain, Ve toh swayam Hain aaftaab.

Ve rakhte Hain Apni har kiran ko roshan
Ve karte Hain Apne prataap se har kiran ka poshan
Aur har kiran shaam aane par Unhee mein jaati hai samaa
Kyun na aisa samarpan kar hum lein Unkee panaah?

Guruji baithey Hain phailaakar Apna aseem aanchal
Is aanchal mein har bhakt kar de jo sab samarpan
Toh khud ko zindagi aur karam na lagenge jaise koi bhaar
Kyunki har bhaar Apne aanchal mein sanjo lenge Guru Parwardigaar.

🌹🌹🌹🌹🌹🌹🌹

Jai Guruji 🙏🙏
Dhirja

Adheen (03/30/2026)