Author: dhirjabhat

May 2, 2018

Om Namaha Shivaya
Aaj Ka Suvichaar 🙏🏻🙏🏻 # 73

      Ik Sur Ik Taal Par Chalein Hum

Zindagi ke manch par aaye hain hum
Apna kirdaar nibhaane ke liye
Kyun lein jhooth aur fareb ka sahara
Duniya ko apna banaane ke liye

Saral see hai yeh zindagi
Kyun isey hum uljhaayein
Jo bhi jhanjhat jhagde hain
Kyun na unhe suljhaayein

Guruji chaahein humse keval itna
Ki achche insaan banein hum
Sach bolein, savinay pyaar se jee lein
Ik sur, Ik taal par chalein hum

Guruji ke bachche bann kar
Unkee ichchaa karein poori
Prem aur satya ko galey lagaakar
Mitaa dein saaree dooree

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

May 2, 2019

Om Namaha Shivaya
Aaj Ka Suvichaar 🙏🏻🙏🏻 # 438

Guruji Hee Hain Hamaare Bhagwaan

Kyunki Guruji se chhupa hai kuch nahin
Isliye tu apni neeyat ko sadaa rakh sahi
Sadh sangat ke saath jeevan vyateet kar
Pyaare Guruji se dil-o-jaan se preet kar

Guruji kee karuna aur kripa ke hee dwaara
Khush-haal hai yeh jeevan hamaara
Unhee kee daya se chal raha hai guzaara
Varna toh har insaan hai karmon ka maara

Guruji Baba Nanak bannkar
Hamein neevenpan se rehna sikhaate hain
Sai ke saumya roop mein aakar
Shradha aur saboori ka paath padhaate hai

Bholenath ka avataar hain Guruji
Bhaav sahee rakhne ko Hain kehte
Hum sabke Ve mata pita Hain
Hamaare liye anek kasht Hain sehte

Saboori, vishwaas, aur shradha se
Guruji ko kar dein jeevan samarpan
Uss bhakt ka beda paar zaroor hoga
Jo Guruji ko karega sab kuch arpan

Zindagi toh pal do pal kee hai
Aaj hai toh kal nahin
Kyun na usee raaste par chalein
Jo Guruji ke hisaab se hai sahee

Mann kee aankhon se dekhenge toh jaanenge
Ki Guruji hee hain hamaare Bhagwaan
Unka kehna maanenge hum toh
Avashya hoga hamaara kalyaan

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

May 1, 2018

Om Namaha Shivaya
Aaj Ka Suvichaar 🙏🏻🙏🏻 # 72

Apne Guruji Ko Kabhi Na Bhulaanaa

Guru kripa bin har baat pe rona
Guru kripa se tann mann sona
Guru kripa bin sataayein vehem
Guru kripa se mit jaaye ahem

Guru milan se miley kasht sehne ki shakti
Guru milan se phal laaye niswaarth bhakti
Guru milan se milta sachcha sukh
Guru milan bin milta kewal dukh

Guru milan bin raja bhi gareeb ho jaaye
Guru milan se moksh kareeb ho jaaye
Apne Guruji ko kabhi na bhulaanaa
Unka keejiye hameshaan koti koti shukrana

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

May 1, 2019

Om Namaha Shivaya
Aaj Ka Suvichaar 🙏🏻🙏🏻 # 437

         Tu Buss Guruji Ko Yaad Kar

Jab kabhi bhi ho tujhe maansik tanaav
Jab bhi mehsoos ho prem ka abhaav
Jab tujhpar honei lagey udaasi ka prabhaav
Tu buss Guruji ko yaad kar

Agar tujhe sataane lagein apne kiye huey paap
Agar tujhe tadpaayein dukh aur santaap
Agar tujhe honei lagey pashchaataap
Tu buss Guruji ko yaad kar

Jab kabhi bhool jaaye tu apni pehchaan
Jab kabhi jokhim mein ho teri jaan
Jab dagmagaane lagey tera atma-sammaan
Tu buss Guruji ko yaad Kar

Teri udaasi mein tujhe saantvanaa denge
Tera tanaav Guruji Apne par le lenge
Tera har abhaav, teri har kamee poori kar denge
Tu buss Guruji ko yaad kar

Tujhe praayashchit ka zaroor denge avsar
Tujhe sukh dene mein na chodenge Ve kasar
Aasaan karenge tere pashchaataap ka safar
Tu buss Guruji ko yaad Kar

Tujhse teri pehchaan karaayenge
Khatre se teri jaan bachaayenge
Karmon ko kumm kar ke katvaayenge
Tu buss Guruji ko yaad kar

Guruji ko yaad karega jab bhi
Ve daude chalein aayenge
Tu chaahe Unhe dekh na sakey
Ve tujhe Apni leela dikhaayenge

Isliye agar tu chaahta hai
Har kshan Guruji ka saath
Tu har pal Unko yaad Kar
Unke haathon mein de de apna haath

Tere bheetar ka asur maar denge Guruji
Tere karmon ka bhaar le lenge Guruji
Saansaarik bhavsaagar se tujhe taarenge Guruji
Tera har pal upkaar karenge Guruji

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 30, 2018

Om Namaha Shivaya
Aaj Ka Suvichaar 🙏🏻🙏🏻 # 71

   Apne Naam Ka Sahara De Do

Kalyuga mein chhaya hai agyan ka andhera
Na jaane kab aayega chetna ka savera
Ab aur apne bhakton ko na Aap tarsaao
Jagg ke maalik, apni kripa Aap barsaao

Guruji, Aapki kripa se hum sudhar jaayein
Aur apni har soch ko shudh banaayein
Guruvar, apne naam ka de do Aap sahara
Taaki hamein janam na lena pade dobara

Isee janam mein karmon ka karz adaa kar dein hum
Aapse judkar apna jeevan safal kar lein hum
Aapse milne kee khushi mein bhool jaayein har gumm
Aapki mamta bhari goad mein sir rakhkar nikle hamaaraa dumm

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 30, 2019

Om Namaha Shivaya
Aaj Ka Suvichaar 🙏🏻🙏🏻 # 436

  Kitna Pyaara Hai Guruji Ka Pyaar

Kitna pyaara hai Guruji ka pyaar
Hum naaraaz bhi hon toh yeh milta hai baar baar
Buss, aanaa hai hamein Unke dwaar
Aur paana hai Unka dayalu dulaar

Na jataana padta hai adhikaar
Na uthaane padte hain hathiyaar
Buss, Unke saamne maan lein apni haar
Guruji suntey hain sabkee pukaar

Rakhte chalein sabke sangg achchaa vyavhaar
Chaahe dukh ke lamhe hon ya ho koi tyohaar
Guruji karaayenge sabka beda paar
Milega Unka pyaar beshumaar

Kalyuga mein mach rahi hai haahaakaar
Adhyaatmik chetna par ho raha hai prahaar
Guruji kee mahima ka karein prachaar
Taaki behtar bann sakey yeh sansaar

Chaahe chod dein hamaara saath hamaare sambandhi aur yaar
Guruji detein hain sabka saath barambaar
Isliye apni har shikaayat ko dein hum maar
Karein hum chaaron oar sadbhavna ka prasaar

Kyun rooh ke kandhon par uthaayein paapon ka bhaar
Kyun na aane dein shubh karmon kee bahaar
Maan kar is sampoorna srishti ko Guruji ka darbar
Na karein swayam ko burey karmon se beemaar

Chaahe hamein avsar milein hazaar
Na chadhaayein hum shikve shikaayat ka bukhaar
Yeh duniya beshaq lagne lagey ek bazaar
Hum na karein kabhi apne zameer ka vyaapaar

Jeevan ke din hain buss doh chaar
Aur hum sab hain bilkul be-ikhtiyaar
Isliye, aao samajh lein zindagi kee kahaani ka saar
Aur kar lein Guruji kee har marzi ko hum sweekaar

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 29, 2018

Om Namaha Shivaya
Aaj Ka Suvichaar 🙏🏻🙏🏻 # 70

         Waddi Hai Teri Vadiyaayi

Itni bheed hai chaaron oar phir, bhi hai kaisi tanhaayee
Aaj apne aayinein mein dikhe kyun mujhe kal ki parchhayee
Thoda sa hairaan hui aur thoda sa mai ghabraayee
Akelapan sataane lagaa hi thaa ki Guruji ki awaaz aayee

Dil ke nainon mein mujhko Unki chhavi dee dikhaayee
Charnon mein Unke sir jhukaaya aur mai thoda sa muskuraayee
Mil gaya ab murshid mera yeh soch mujhe phir aayee
Safar lagne lagaa aasaan jab manzil dee dikhaayee

Guruji ki sharan mein aakar mai phoolee nahin samaayee
Guru simran ke sur ki taal se maine taal milaayee
Guruji se hee sab kuch hain, yeh baat samajh mein aayee
Param poojya Guru sahib mere, waddi hai teri vadiyaayi

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 29, 2019

Om Namaha Shivaya
Aaj Ka Suvichaar 🙏🏻🙏🏻 # 435

           Shukrana Ka Karishma

Chaahe tu is baat se na ho sehmat
Tujhpar baras rahee hai Guruji kee rehmat
Jis haal mein tu hai, veh Guruji kee hai manzoori
Buss, har pal Unka shukrana karna hai zaroori

Guruji le rahein hain tera imtehaan
Ve hee kar rahein hain teri niyati ka nirmaan
Ve sadaa rahenge tujh par meharbaan
Unka shukrana kar Unka kehna le tu maan

Shukrana karne se murjhaaya bhaagya khil jaayega
Mushkilon ko jhelne ka saahas mil jaayega
Shukrana ka karishma kuch aisa chhaayega
Ki andhere mein ummeed ka chirag jal jaayega

Guruji ka protsaahan chalega tere sangg
Badal jaayega tere jeene ka dhangg
Jeevan ke koray kaagaz par dikhne lagenge rangg
Hauley hauley dil mein bhar aayegi umang

Guruji ko kabhi bhi na bisraana
Dil mein shradha kee jyot jalaana
Unko apne dil ka haal tu sunaana
Arzi karte huey bhi karna shukrana

Karmon ka bojh kumm kar denge Guruji
Teri jholi santosh se bhar denge Guruji
Tu buss shukrana karta jaa behisaab
Aur dekhta jaa Guruji kee leela laajawaab

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 28, 2018

Om Namaha Shivaya
Aaj Ka Suvichaar 🙏🏻🙏🏻 # 69

             Rakh Guruji Par Vishwaas

Kaamyaab tu hoga zaroor
Rakh Guruji par vishwaas
Nahin soch ki tu hai majboor
Guruji karenge poori teri aas

Jo maana hai Unko tooney apna Khuda
Toh phir sab kuch Unhee par chod
Sunenge Veh hameshaan teri sadaa
Chaahe saari duniya le apna muh moad

Zindagi mein tu awashya aagey badhega
Tere saath Unka aashirwaad jo hai
Unke pyaar ka kavach teri raksha karega
Tere paas Guru naam ka prashaad jo hai

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 28, 2019

Om Namaha Shivaya
Aaj Ka Suvichaar 🙏🏻🙏🏻 # 434

                Prem Ke Dhaage

Guruji kee sharan mein aakar
Pooran satguru humne hai paaya
Phir bhi saansaarik vikaaron mein ulajh kar
Kyun karte hain hum apna waqt zaaya?

Guruji kee chhatrachhaaya mein hain hum
Toh maut bhi daregi aane se kareeb
Unhee kee mehre-nazar ke karishme se
Khil jaayega hamaara murjhaaya hua naseeb

Jeevan toh hai ek adbhut raasta
Sabka hai ik dooje se laukik vaasta
Jis bhakt ko hai Guruji par atoot vishwaas
Guruji ka naam japta uska har shwaas

Guruji toh karuna kee moorat hain
Guruji divyataa kee soorat hain
Guruji ne hee hamein sambhaala hai
Unhee se hamaare jeevan mein ujaala hai

Guruji kee divya khushboo ke aagey
Har mehek pheeki laagey
Guruji se rishta jod kar kyun na
Baandh lein hum prem ke dhaage

Guruji se kar lein hum preet
Aur nibhaayein hum bhakti kee reet
Sab kuch Unhe samarpan kar dein
Usee mein hai hamaari sachchee jeet

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 27, 2018

Om Namaha Shivaya
Aaj Ka Suvichaar 🙏🏻🙏🏻 # 68

Guruji Se Jod Le Naata Aye Bande

Lekar apni atmaa par karmon ka bhoj
Har koi kar raha hai sukh kee khoj
Chaahe kisi ne choom liya ho akash
Phir bhi apni pehchaan ki usey hai talaash

Guruji se jod le naata aye bande
Phir bhojh se thakenge na tere kandhe
Lagenge tujhe simran ke pal aakarshak
Aur Guruji banenge tere maarg darshak

Aa Unke sowmya aur komal roop ko
Basaa lei tu sadaa ke liye apne dil mein
Phir na paayega tu swayam ko akela
Is mayavi duniya ki kisi bhi mehfil mein

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 27, 2019

Om Namaha Shivaya
Aaj Ka Suvichaar 🙏🏻🙏🏻 # 433

           Sabse Shudh Dharam

Hum sab raaste kee dhool hain
Lekin Guruji ke liye nanhe phool hain
Kyunki Guruji Hain mata pita hamaare
Hamaari har saans hai Unke sahaare

Guruji ne saansein bakshee hain
Kyun na har saans mein Unhee ka naam lein
Sewa, simran, aur samarpan kar ke
Apne pyaare Guruji kee baat maan lein

Satsang mein Unkee mahima ka gungaan karein
Gupt paath, gupt sewa, aur gupt daan karein
Guruji ke har vachan ka maan karein
Unkee divya leela ka sadaa bakhaan karein

Kaahe ka jhagdaa, kis baat kee ladaayee
In sabb baaton se kabhi shanti na aayee
Tarr gaya veh jisne Guruji se lagan lagaayee
Yeh yakeenan hai Guruji kee hee vadiyaayee

Ek din sabkee zindagi mein aayega
Jab shareer bina atma ke reh jaayega
Guru naam hee atma ke sangg jaayega
Aur vahee atma ka uddhaar karaayega

Kyun na karein hum sab achche karam
Aakhir vahee toh hai sabse shudh dharam
Hamein mil jaaye Guruji kee sharan
Taaki safal ho jaaye janam aur maran

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 26, 2018

Om Namaha Shivaya
Aaj Ka Suvichaar 🙏🏻🙏🏻 # 67

       Shubh Kaam Mein Der Na Kar

Guruji ka divya abha mandal
Sooraj se bhi adhik tejasvi hai
Guruji MahaShiv ka avatar hain
Unka yeh roop kitna yashasvi hai

Har koi kehlaaye Unka bachchaa
Keh dijiye Unko haal apna sachhaa
Suntey hain sabkee zubaani
Sanvaarte hain sabkee kahaani

Har kasht ka nivaaran karte hain
Sabki jholiyaan Veh bharte hain
Sangat Ke dukh Ve harte hain
Yamraj bhi Guruji se darte hain

Shubh kaam mein karta deri kyun
Sheesh jhuka le Guruji ke charan mein
Guruji tujhe apna lenge bahut pyaar se
Sadaa rahega phir Guruji ki sharan mein

🌹🌹🌹🌹🌹🌹🌹

Jai Guruji
Dhirja

April 26, 2019

Om Namaha Shivaya
Aaj Ka Suvichaar 🙏🏻🙏🏻 # 432

              Dharam Aur Imaan              

MahaShiv ka avataar hain Guruji
Dil-o-jaan ka pyaar hain Guruji
Deewaane bhakt ka ikraar hain Guruji
Ruhaani prem ka saar hain Guruji

Saadhak kee saadhna Guruji
Bhakt kee aradhana Guruji
Pujaari kee upasana Guruji
Hum sabkee praarthana Guruji

Shradha aur pyaar ka ehsaas hain Guruji
Sadaa hamaare paas hain Guruji
Dhadakte dil ka shwaas hain Guruji
Sach mein sabse khaas hain Guruji

Mahaanta mein sabse mahaan Guruji
Jahaan bhi dekho vahaan Guruji
Sabse anmol vardaan hain Guruji
Hum sabka toh jahaan hain Guruji

Khushi aur gumm mein sahaara hain Guruji
Bhakton kee aankh ka taara hain Guruji
Khuda kee rehmat ka ishaara hain Guruji
Kal, aaj, aur kal hamaara hain Guruji

Hamaare chehre kee muskaan hain Guruji
Hamaara dharam aur imaan hain Guruji
Jigyaasu ka adhyaatmik armaan hain Guruji
Hum toh kuch bhi nahin, hamaari toh pehchaan hee hain Guruji

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 25, 2018

Om Namaha Shivaya
Aaj Ka Suvichaar 🙏🏻🙏🏻 # 66

             Trilok Ke Naath Guruji

Pehnein chola kisee bhi rangg ka
Mere Guruji par bada hee pyaara laagey
Jis aasan par mere Guruji baitheyn
Veh aasan bada hee nyaara laagey

Guruji kee aankhein dekhein jisko
Uspar Unkee rehmat baras jaaye
Unka snehmayi deedar paane ke liye
Har bhakt ka vyaakul dil taras jaaye

Sampoorna Srishti ke samraat hain Guruji
Swayam hee Trilok ke naath hain Guruji
Unko thaam lene de yeh dono haath apne
Phir dekh, har pal tere saath hain Guruji

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 25, 2019

Om Namaha Shivaya
Aaj Ka Suvichaar 🙏🏻🙏🏻 # 431

                  Guruji Ka Simran

Bade bhaag hamaare
Jo miley hain simran ke ye pal
Guru naam ke simran kee shakti se hee
Hamaare kasht jaayenge tal

Kar lein simran Guru naam ka
Varna jeevan kis kaam ka
Koi faayada nahin aaraam ka
Agar naam na lo apne Bhagwaan ka

Simran se hee milti himmat
Chunautiyon ka saamna karne kee
Simran se hee milti taakat
Museebaton se ladne kee

Simran ke dwaara hum ho jaayenge
Guruji ke aur bhi kareeb
Simran se milegi shanti aur
Jaagenge soye huey naseeb

Sehensheelta zyada hogi hamaari
Aatmabal bhi badh jaayega
Har bhakt Simran se apni jholi mein
Guruji ka aashirwaad paayega

Jin sawaalon ke jawaab hum dhoondh rahey hain
Ve Simran mein mil jaayenge
Guruji ne jo kehna hai humse
Hum Simran se samajh paayenge

Simran mein jo anubhav hongei
Unse chhaa jaayega divya noor
Sukh mein bhi aur dukh mein bhi
Simran karna zaroor

Kalyuga ke jhoothe aadambar mein
Guru naam ka Simran hee sachchaa hai
Guruji se har pal judey rehne ke liye
Simran hee sabse achchaa hai

🌹🌹🌹🌹🌹🌹🌹

Jai Guruji 🙏🏻🙏🏻

Dhirja

April 24, 2018

Om Namaha Shivaya
Aaj Ka Suvichaar 🙏🏻🙏🏻 # 65

            Baarambaar Shukriya

Jis bhi haal mein Guruji rakhein
Hamein khushi se rehna hai
Chaahe koi bhi kasht aaye
Hamein sabr se sehna hai

Koi bhi baat sataaye jo humko
Hamein apne Guruji se kehna hai
Unka diya hua sab kuch hee
Hamaare liye keemti gehna hai

Jeevan-dhaara jis dishaa mein bahey
Hamein toh uske sangg behna hai
Guruji Aapka baarambaar shukriya
Hameshaan hamein yeh kehna hai

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 24, 2019

Om Namaha Shivaya
Aaj Ka Suvichaar 🙏🏻🙏🏻 # 430

             Guruji Kee Bandagi

Chatur khel khelkar kyun karein atma ko khandit
Guruji ke simran ke anmol samay se kyun karein swayam ko vanchit
Vikaaron mein ulajh kar kyun karein karmon ko sanchit
Guruji par vishwaas hai toh kyun dhoondein hum koi pandit

Guruji toh MahaShiv Hain
Bhakton ka shodhan karte hain
Phir kyun hum kukarmon ke hathiyaar se
Apni atma ka shoshan karte hain?

Choti choti pareshaaniyon se
Ashaant hota hai mann
Choti choti khushiyon se jud kar
Sanvartaa hai jeevan

Guruji chaahein ki hum saralta se jiyein
Saralta se jeene mein nirmal anand hai
Guruji chaahein ki hum taralta se jiyein
Taralta se jeene mein satchittanand hai

Sansaar kee baaton se
Vichlit hum na hon
Jaise bhi haalat hon
Behaal hum na hon

Reet nibhaayein Guru bhakti kee
Saraahna karein Guruji kee shakti kee
Guruji ke vachanon ko hee kaanoon maanein
Guru prem ke junoon ko jaanein

Kyun na aaj se kar lein yeh vaada
Ki antarmann ko banaa lein saral aur saada
Har saans mein kar lein Guruji kee bandagi
Guruji ke prem mein guzaar lein yeh zindagi

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 23, 2018

Om Namaha Shivaya
Aaj Ka Suvichaar 🙏🏻🙏🏻 # 64

               Apnepan Ka Ehsaas

Guruji kee kripa ke aanchal mein
Niswaarth prem kee mithaas hai
Unse dil ki baatein karne mein
Ek anokhe apnepan ka ehsaas hai

Unse jod liya jab se yeh nirmal naata
Chala gaya meri zindagi se sannaata
Ab toh har pal, har din, har shaam
Apne dayaalu kripaalu Guruji ke naam

🌹🌹🌹🌹🌹🌹🌹

Jai Guruji 🙏🏻🙏🏻
Dhirja

April 23, 2019

Om Namaha Shivaya
Aaj Ka Suvichaar 🙏🏻🙏🏻 # 429

                 Kripa Guru Kee

Guru kripa bin hum rahein anjaan
Guru kripa bin nahin miley Guru naam
Guru naam se pooran ho har kaam
Guru naam bin nahin atma ko aaraam

Guru naam mein basee hai preet
Guru naam se hogi mann par jeet
Guru naam se paawan na koi bhi reet
Guru naam hai sabse madhur geet

Guru naam se milta hai pyaar
Guru naam se qubool hoti hai pukaar
Guru naam se khulta mukti ka dwaar
Guru naam par nirbhar hai sansaar

Guru naam se duur karein apne dosh
Guru naam se badhaayein adhyaatmik shabdkosh
Guru naam se paayein sakaaraatmak josh
Guru naam mein ho jaayein madhosh

Guru naam hee kripadhaari
Guru naam hee mangalkaari
Guru naam se chale duniya saari
Guru naam pe jaaoon mai balihaari

🌹🌹🌹🌹🌹🌹🌹

Jai Guruji 🙏🏻🙏🏻

Dhirja