August 19, 2022
Om Namaha Shivaya
Aaj Ka Suvichaar 🙏🏻🙏🏻 # 1643
Tera Kiya Hua Guru Vandan
Chinta na kar
Buss, apna karma kar
Baaki sab chod de Guruji par
Ve awashya karenge mehar.
Tu buss apni bhakti ko nikhaar
Unke ashish se apni rooh ko sanvaar
Unka naam japp tu baar baar
Is se hoga teri rooh ka shringaar.
Guruji jaante Hain tera haal
Unka naam hai teri suraksha kee dhaal
Bina koi shart, bin koi sawaal
Ve rahe Hain tujhe sambhaal.
Shraddha aur prem bhavna se
Anjaan hokar baaki har kaamna se
Karta chal tu apne bheetar ka sringaar
Apne naam ka gehna de rahe Hain tujhe Guru sarkaar.
Guruji ke naam ke is aabhushan se
Sajaa le tu apna antakaran
Chinta chod ke karta chal tu chintan
Dekhna, rangg laayega tera kiya hua Guru vandan.
🌹🌹🌹🌹🌹🌹🌹
Jai Guruji 🙏🏻🙏🏻
Dhirja
Aaj Ka Suvichaar 